ଭୁବନେଶ୍ୱର,୨୨।୧: ପରିଭ୍ରମଣକାରୀମାନଙ୍କ ପାଇଁ ରେଳବାଇ ପକ୍ଷରୁ ଏକ ସ୍ବତନ୍ତ୍ର ଟ୍ରେନ୍ର ବ୍ୟବସ୍ଥା କରାଯାଇଛି। ଉକ୍ତ ଟ୍ରେନ୍ର ନାମ ରହିଛି ‘ଭାରତ ଦର୍ଶନ’, ଯେଉଁଥିରେ ପର୍ଯ୍ୟଟକମାନଙ୍କୁ ଦକ୍ଷିଣ ଭାରତର ସମସ୍ତ ପର୍ଯ୍ୟଟନସ୍ଥଳ ଓ ଗୁରୁତ୍ୱପୂର୍ଣ୍ଣ ସ୍ଥାନ ପରିଦର୍ଶନ କରାଇବାର ଯୋଜନା ରହିଛି। ଏହି ଟ୍ରେନ୍ରେ ପରିଭ୍ରମଣକାରୀମାନେ ୮ ଦିନ ଓ ୭ ରାତି ଭ୍ରମଣ କରିବାର ବ୍ୟବସ୍ଥା ରହିଛି। ଟ୍ରେନଟି ଭୁବନେଶ୍ୱରରୁ ୨ ଜାନୁୟାରୀ ରାତି ୧୦ଟାରୁ ବାହାରି ରାମେଶ୍ୱରମ୍, ମଦୁରାଇ ଓ ତିରୁପତି ଭଳି ସ୍ଥାନକୁ ଯିବ ବୋଲି ସୂଚନା ମିଳିଛି। ଆଶୟୀ ପରିଭ୍ରମଣକାରୀମାନଙ୍କୁ ମାତ୍ର ୮୦୮୫ ଟଙ୍କାର ପ୍ୟାକେଜ ଗ୍ରହଣ କରିବାକୁ ହେବ। ଯେଉଁଥିରେ ଆଠ ଦିନ ପରିଭ୍ରମଣର ସମସ୍ତ ଖର୍ଚ୍ଚ ସହ ଶାକାହାରି ଖାଦ୍ୟ, ପର୍ଯ୍ୟଟକଙ୍କ ପାଇଁ ବସ୍, ରହିବା ପାଇଁ ଘର ସହ ସୁରକ୍ଷାକର୍ମୀ ଓ ପରିଭ୍ରମଣ ବୀମା ରେଳବାଇ ପକ୍ଷରୁ ଯୋଗାଇଦିଆଯିବ ବୋଲି ରେଳବାଇ ପକ୍ଷରୁ ସୂଚନା ଦିଆଯାଇଛି। ଏହି ଟ୍ରେନ୍ଟି ଭୁବନେଶ୍ୱର, ବ୍ରହ୍ମପୁର, ସିକାକୁଲମ୍, ବିଜୟନଗରମ୍, ବିଜୟୱାଡା ଠାରୁ ଯାତ୍ରୀମାନେ ଯାଇପାରିବେ ବୋଲି ରେଳବାଇ ପକ୍ଷରୁ କୁହାଯାଇଛି।
