ପାଟଣା,୧୩ା୧୧: ୟୁନିସେଫ୍, ଧରିତ୍ରୀ ଓ ପିକକ୍ ସଙ୍ଗଠନ ଆନୁକୂଲ୍ୟରେ ଶିଶୁ ସାମ୍ବାଦିକମାନଙ୍କ ପାଇଁ ଦୁଇଦିନିଆ ସ୍ବତନ୍ତ୍ର ପ୍ରଶିକ୍ଷଣ ପାଟଣା ଥାନା ଅନ୍ତର୍ଗତ କପୁଣ୍ଡିସ୍ଥିତ ଜୀବନଜୀବିକା ତାଲିମ କେନ୍ଦ୍ର ସଭାଗୃହରେ ଅନୁଷ୍ଠିତ ହେଉଛି। ପିକକ୍ ପକ୍ଷରୁ ଅନୁଷ୍ଠିତ ଏହି ପ୍ରଶିକ୍ଷଣ କାର୍ଯ୍ୟକ୍ରମରେ ପାଟଣା ବ୍ଲକ ଅଞ୍ଚଳର ୧୪ରୁ ୧୬ ବୟସର ୫୦ ଜଣ ବାଳିକା ବାଳକ ଯୋଗ ଦେଇ ଏହି ସ୍ବତନ୍ତ୍ର ପ୍ରଶିକ୍ଷଣ ଗ୍ରହଣ କରୁଛନ୍ତି। ପିକକ୍ର କାର୍ଯ୍ୟନିର୍ବାହୀ ନିର୍ଦ୍ଦେଶିକା ଅନୁରାଧା ମହାନ୍ତି କାର୍ଯ୍ୟକ୍ରମ ପ୍ରାରମ୍ଭରେ ପ୍ରଶିକ୍ଷଣର ଉଦ୍ଦେଶ୍ୟ ଜ୍ଞାପନ କରିବା ସହ ତୃଣମୂଳ ସ୍ତରରେ ପ୍ରଶିକ୍ଷଣର ଉପକାରିତା ସମ୍ବନ୍ଧରେ ସୂଚନା ଦେଇଥିଲେ। ସଂଗଠନର ସମ୍ପାଦକ ରଞ୍ଜନ କୁମାର ମହାନ୍ତି ପ୍ରଶିକ୍ଷଣ ଲବ୍ଧ ଜ୍ଞାନକୁ ଶିଶୁମାନେ କିପରି ସାମାଜିକ କ୍ଷେତ୍ରରେ ଉପଯୋଗ କରିବେ ସେନେଇ ଶିବିରାର୍ଥୀଙ୍କୁ ସୂଚନା ଦେଇଥିଲେ। ବରିଷ୍ଠ ସାମ୍ବାଦିକ ତଥା ୟୁନିସେଫ୍ ପରାମର୍ଶଦାତା ସି ଏଚ୍ ଶାନ୍ତାକାର ଓ ବରିଷ୍ଠ ସାମ୍ବାଦିକ ଶାରଦା ଲାହାଙ୍ଗିର ଶିଶୁମାନଙ୍କୁ ସାମ୍ବାଦିକତାର ରୂପରେଖ, ଖବର ଲିଖନ ଓ ଉପସ୍ଥାପନର ବିଭିନ୍ନ ଦିଗ ଉପରେ ପ୍ରଶିକ୍ଷଣ ଦେଇଥିଲେ। ସଙ୍ଗଠନର କାର୍ଯ୍ୟନିର୍ବାହୀ ନିର୍ଦ୍ଦେଶିକା ଅନୁରାଧା ମହାନ୍ତି ଶିଶୁ ସାମ୍ବାଦିକମାନେ ନିଜ ବିଦ୍ୟାଳୟ, ଗ୍ରାମ, ପଲ୍ଲୀସଭା ଓ ଗ୍ରାମସଭାରେ ନିଜର ତଥା ସାମୁହିକ ସମସ୍ୟା ଉପସ୍ଥାପନର ଦିଗ ଉପରେ ମତ ରଖିଥିଲେ। ଶିଶୁମାନଙ୍କ ବିଭିନ୍ନ ସମସ୍ୟା ଓ ନିରାକରଣ ଉପରେ ବରିଷ୍ଠ ସାମ୍ବାଦିକ ନୃସିଂହ ନାଥ ସିଂହ ମୁହାଁମୁହିଁ ପ୍ରଶ୍ନ ଉତ୍ତରରେ ସାମିଲ ହୋଇଥିଲେ। ଗଣମାଧ୍ୟମରେ ଖବର କିପରି ଲେଖା ଯାଏ, କିପରି ପ୍ରକାଶ ହୁଏ ସେ ସମ୍ପର୍କରେ ପରାମର୍ଶ ଦିଆଯାଇଥିଲା। ପିକକ୍ ସଙ୍ଗଠନର ସମର କୁମାର ଦାସ, ଜିଲ୍ଲା ସଂଯୋଜକ ସତ୍ୟନାରାୟଣ ମହାନ୍ତ,ଦ୍ରୌପଦୀ ବେଜ୍,ଓ ପୁରୁଷୋତ୍ତମ ମହାନ୍ତ ପ୍ରମୁଖ ଶିବିର ପରିଚାଳନା କରୁଛନ୍ତି।