ମୁମ୍ବାଇ: ସ୍ପାଇସଜେଟର ଏକ ବୋଇଙ୍ଗ ଜେଟ ଲାଇନର ବିମାନ ଦୁର୍ଘଟଣାରୁ ବର୍ତ୍ତିଯାଇଛି। ବାଙ୍ଗାଲୋରରୁ ଗୁଆହାଟି ଯାଉଥିବା ଏହି ବିମାନ ଲ୍ୟାଣ୍ଡିଂ କରିବା ସମୟରେ ହାର୍ଡ ଲ୍ୟାଣ୍ଡିଂ ସମସ୍ୟା ସାମ୍ନା କରିଥିଲା। ଫଳରେ ଏହା ରନଓ୍ବେର ୩ ଥ୍ରେସ ହୋଲ୍ଡ ଲାଇଟକୁ କ୍ଷତିଗ୍ରସ୍ତ କରିଛି। ଏହି ବିମାନରେ ମୋଟ ୧୫୫ ଜଣ ରହିଥିଲେ। ଏମାନଙ୍କ ମଧ୍ୟରେ ୨ ଜଣ ପାଇଲଟ ଏବଂ ୪ ଜଣ କ୍ୟାବିନ କ୍ରିୟୁ ମଧ୍ୟ ସାମିଲ ଅଛନ୍ତି। ବିମାନର ଲ୍ୟାଣ୍ଡିଂ ଗିୟରର ଟାୟାରରେ କଟାଦାଗ ଦେଖାଯାଇଛି। ଦୁର୍ଘଟଣା ସମୟରେ ସହ ପାଇଲଟ ବିମାନକୁ ଉଡାଉଥିଲେ। ମାମଲାର ତଦନ୍ତ ଲାଗି ବେସାମରିକ ବିମାନ ଚଳାଚଳ ମହାନିର୍ଦ୍ଦେଶାଳୟ(ଡିଜିସିଏ) ପକ୍ଷରୁ ନିର୍ଦ୍ଦେଶ ଦିଆଯାଇଛି।
