ନୂଆଦିଲ୍ଲୀ: କରୋନା ସଙ୍କଟ କାଳରେ ଅସୁବିଧାରେ ପଡ଼ିଥିବା ଅନେକ ଲୋକଙ୍କୁ ସହାୟତାର ହାତ ବଢ଼ାଇ ଅଭିନେତା ସୋନୁ ସୁଦ୍ ଉଦାହରଣ ପାଲଟିଛନ୍ତି। ସୋନୁଙ୍କର ଏହି ମହନୀୟ ଉଦ୍ୟମ ଲାଗି ଘରୋଇ ଏୟାରଲାଇନ୍ସ ସ୍ପାଇସ୍ଜେଟ୍ ଏହାର ବୋଇଂ ୭୩୭ ବିମାନରେ ତାଙ୍କ ଫଟୋ ଲଗାଇ ସମ୍ମାନିତ କରିଛି। ବିମାନରେ ଉକ୍ତ ଫଟୋ ଫିଚର ସହ ‘ରକ୍ଷାକର୍ତ୍ତା ସୋନୁ ସୁଦ୍ଙ୍କୁ ସାଲୁଟ୍’ ଲେଖାଯାଇଛି। କୌଣସି ଘରୋଇ ବିମାନ ଲାଇଭେରିରେ ସ୍ଥାନ ପାଇବାରେ ସୋନୁ ହେଉଛନ୍ତି ପ୍ରଥମ ଭାରତୀୟ ଅଭିନେତା। ଏଭଳି ସମ୍ମାନ ପାଇଁ ସେ ସ୍ପାଇସ୍ଜେଟ୍ କର୍ତ୍ତୃପକ୍ଷଙ୍କୁ କୃତଜ୍ଞତା ଜଣାଇଛନ୍ତି।