ଜୟପୁର,୬।୪: ଆଇପିଏଲ୍ ୨୦୨୪ର ୧୯ତମ ମୁକାବିଲା ରାଜସ୍ଥାନ ରୟାଲ୍ସ ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୁରୁ ମଧ୍ୟରେ ଶନିବାର ଖେଳାଯାଉଛି। ଏହି ମୁକାବିଲା ଜୟପୁରର ସବାଇ ମାନସିଂ ଷ୍ଟାଡିୟମରେ ଖେଳାଯାଉଛି। ତେବେ ମ୍ୟାଚ୍ରେ ରାଜସ୍ଥାନ ଟସ୍ ଜିତି ପ୍ରଥମେ ବୋଲିଂ କରିବା ନିଷ୍ପତ୍ତି ନେଇଛି। ଏଯାବତ ଆର୍ସିବି ୧୨ ଓଭରରେ ବିନା କୌଣସି ଉଇକେଟ ହରାଇ ୧୦୭ ରନ୍ କରିବାରେ ସଫଳ ହୋଇଛି। ଓପନର୍ ବିରାଟ କୋହଲି(୫୯) ଏବଂ ଫାଫ୍ ଡୁ ପ୍ଲେିସିସ୍(୩୯) ରନ୍ କରି ମଇଦାନରେ ଅଛନ୍ତି।
ହୋମ୍ ଗ୍ରାଉଣ୍ଡ ହେବା ଯୋଗୁ ମଇଦାନରେ ରାଜସ୍ଥାନ ନିଜର ଦମ୍ ଦେଖାଇବ ବୋଲି ଆଶା କରାଯାଉଛି। ଅଙ୍କ ତାଲିକା ଦେଖିଲେ ରାଜସ୍ଥାନ ଟିମ୍ ୩ ବିଜୟ ଏବଂ ୬ ଅଙ୍କ ସହ ପଏଣ୍ଟ ଟେବୁଲର ଦ୍ୱିତୀୟ ସ୍ଥାନରେ ଅଛି। ସେହିଭଳି ଆର୍ସିବି ଟିମ୍ ୧ ବିଜୟ ଏବଂ ୨ ଅଙ୍କ ସହ ଟେବୁଲର ୮ନଂ ସ୍ଥାନରେ ଅଛି।