Categories: ଖେଳ

କ୍ରୀଡ଼ା ଆଚରଣବିଧି ପ୍ରଶ୍ନାବଳୀ: ଜବାବ ଦେଲେ ୫୬ ଜାତୀୟ କ୍ରୀଡ଼ା ମହାସଂଘ

ନୂଆଦିଲ୍ଲୀ,୧୫ା୮(ପି.ଟି.)-ସ୍ବୀକୃତି ହରାଇଥିବା ୫୭ ଜାତୀୟ କ୍ରୀଡ଼ା ମହାସଂଘ (ଏନ୍‌ଏସ୍‌ଏଫ୍‌) ମଧ୍ୟରୁ ୫୬ଟି କ୍ରୀଡ଼ା ଆଚରଣବିଧି ପ୍ରଶ୍ନାବଳୀର ଜବାବ ରଖିଛନ୍ତି। ଏଥିରେ କେନ୍ଦ୍ର କ୍ରୀଡ଼ା ମନ୍ତ୍ରଣାଳୟ ସେମାନଙ୍କ ଅଫିସ୍‌ କର୍ମକର୍ତ୍ତାଙ୍କ ବୟସ ଏବଂ କାର୍ଯ୍ୟକାଳ ସମ୍ପର୍କିତ ରିପୋର୍ଟ ମାଗିଥିଲା। ଏଥିପାଇଁ ସମୟସୀମା ଅଗଷ୍ଟ ୧୩ ଧାର୍ଯ୍ୟ କରାଯାଇଥିଲା। କେବଳ ଜୁଡୋ ଜାତୀୟ ମହାସଂଘ ଉତ୍ତର ଦେବାରେ ଅସମର୍ଥ ହୋଇଥିଲା। ସୂଚନାଯୋଗ୍ୟ, ସ୍ବେଚ୍ଛାକର୍ମୀ ତଥା ଆଇନଜୀବୀ ରାହୁଲ ମେହେରାଙ୍କ ଦ୍ୱାରା ଦାଖଲ ଏକ ଜନସ୍ବାର୍ଥ ମାମଲାର ବିଚାରକରି ଦିଲ୍ଲୀ ହାଇକୋର୍ଟ ଜୁନ୍‌ ୨୪ରେ ୫୪ ଏନ୍‌ଏସ୍‌ଏଫ୍‌ ଉପରୁ ସ୍ବୀକୃତି ପ୍ରତ୍ୟାହାର କରି ନିଆଯାଇଥିଲା। ଏହି କ୍ରୀଡ଼ା ମହାସଂଘଗୁଡ଼ିକ କ୍ରୀଡ଼ା ଆଚରଣବିଧି ନିୟମ ଉଲ୍ଲଂଘନ କରିଥିବା ମେହେରା ଅଭିଯୋଗ କରିଥିଲେ। ମନ୍ତ୍ରଣାଳୟ ପରେ ଆଉ ତିନୋଟି ଏନ୍‌ଏସ୍‌ଏଫ୍‌ ଉପରୁ ସ୍ବୀକୃତି ପ୍ରତ୍ୟାହାର କରିନେଇଥିଲା। ଫଳରେ ସଂଖ୍ୟା ୫୭କୁ ବୃଦ୍ଧି ପାଇଥିଲା। ମେହେରାଙ୍କ ଅଭିଯୋଗକୁ ଭିତ୍ତିକରି ୫୬ ଜାତୀୟ କ୍ରୀଡ଼ା ମହାସଂଘ ପ୍ରଶ୍ନାବଳୀର ଜବାବ ରଖିଛନ୍ତି। ଭାରତୀୟ ଅଲିମ୍ପିକ ଆସୋସିଏଶନ (ଆଇଓଏ) ସଭାପତି ନରିନ୍ଦର ବାତ୍ରା ଏବଂ ସାଧାରଣ ସମ୍ପାଦକ ରାଜୀବ ମେହେଟା ମିଳିତ ଭାବେ ଏହାର ଏକ ତାଲିକା ଉପସ୍ଥାପନ କରିଛନ୍ତି।

Share