ନୂଆଦିଲ୍ଲୀ,୧୫।୧୧: ଦୁନିଆର ସର୍ବଶ୍ରେଷ୍ଠ ବକ୍ସରମାନଙ୍କ ମଧ୍ୟରେ ପରିଗଣିତ ହେଉଥିବା ମାଇକ ଟାଇସନ ୧୯ ବର୍ଷ ପରେ ବୃତ୍ତିଗତ ଭାବେ ପ୍ରତିଦ୍ୱନ୍ଦ୍ୱିତାକୁ ଓହ୍ଲାଇବେ। ନଭେମ୍ବର ୧୬ ରେ ସେ ପୂର୍ବତନ ସୋସିଆଲ ମିଡିଆ ଇନ୍ଫ୍ଲୁଏନ୍ସର ତଥା ପେସାଦାର ବକ୍ସର ଜେକ୍ ପାଲ୍ଙ୍କୁ ଭେଟିବେ। ୫୮ ବର୍ଷିୟ ମାଇକ ଟାଇସନ୍ ପୁଣି ଥରେ ରିଙ୍ଗକୁ ଫେରିବାକୁ ଯାଉଛନ୍ତି। ୨୦୦୫ ମସିହାରୁ ଟାଇସନ ରିଙ୍ଗକୁ ଓହ୍ଲାଇ ନାହାନ୍ତି। ତାଙ୍କର ବୃତ୍ତିଗତ ରେକର୍ଡ ହେଉଛି ୫୦-୬, ଯେଉଁଥିରେ ୪୪ ନକ୍ଆଉଟ୍ ଏବଂ ଦୁଇଟି ନୋ-କଣ୍ଟେଷ୍ଟ ରହିଛି। ତେବେ ମାଇକ ଟାଇସନଙ୍କ କ୍ୟାରିଅର୍ ଦେଖିଲେ ଏହା ସଫଳତା ସହିତ ବିବାଦରେ ଜଡ଼ିତ। ଏଥି ସହିତ, ଟାଇସନ କେଉଁ ଧର୍ମ ଅନୁସରଣ କରନ୍ତି ତାହା ମଧ୍ୟ ସର୍ବଦା ଆଲୋଚନାରେ ଥାଏ।
ଟାଇସନ କେଉଁ ଧର୍ମ ଅନୁସରଣ କରନ୍ତି?
ମାଇକ ଟାଇସନ୍ ୩୦ ଜୁନ ୧୯୬୬ ରେ ଜନ୍ମଗ୍ରହଣ କରିଥିଲେ। ସେ ଏକ ଖ୍ରୀଷ୍ଟିଆନ ପରିବାରରେ ବଡ଼ ହୋଇଥିଲେ। ହେଲେ ପରେ ସେ ତାଙ୍କର ଧର୍ମ ପରିବର୍ତ୍ତନ କରିଥିଲେ। ମାଇକ ଟାଇସନଙ୍କୁ ଜୁଲାଇ ୧୯୯୧ ରେ ବଳାତ୍କାର ଅଭିଯୋଗରେ ଛନ୍ଦି ହୋଇଥିଲେ। ଏହା ପରେ ତାଙ୍କୁ ୬ ବର୍ଷ କାରାଦଣ୍ଡରେ ଦଣ୍ଡିତ କରାଯାଇଥିଲା। ଏହା ପରେ ସେ ତାଙ୍କର ଧର୍ମ ପରିବର୍ତ୍ତନ କରିଥିଲେ। ଜେଲରେ ଥିବାବେଳେ ମାଇକ ଟାଇସନ ଇସଲାମ ଧର୍ମ ଗ୍ରହଣ କରିଥିଲେ। ବର୍ତ୍ତମାନ ସେ ଇସଲାମ ଧର୍ମରେ ବିଶ୍ୱାସ କରନ୍ତି ଏବଂ ତାଙ୍କର ମୁସଲମାନ ନାମ ମଲିକ ଅବଦୁଲ ଅଜିଜ ଅଟେ। ମାଇକ ଟାଇସନ ଜୁଲାଇ ୨୦୧୦ ରେ ଉମ୍ରା ମଧ୍ୟ କରିଥିଲେ। ନିକଟରେ, ଡିସେମ୍ବର ୨୦୨୨ ରେ, ସେ ଡିଜେ ଖାଲିଦଙ୍କ ସହିତ ମକ୍କାରେ ଉମ୍ରା କରୁଥିବା ମଧ୍ୟ ଦେଖିବାକୁ ମିଳିଥିଲା।
ମାଇକ ଟାଇସନ୍ କେତେ କୋଟିର ମାଲିକ?
ମାଇକ ଟାଇସନ ତାଙ୍କ ସମୟର ସବୁଠାରୁ ଧନୀ କ୍ରୀଡ଼ାବିତ୍ ମାନଙ୍କ ମଧ୍ୟରୁ ଜଣେ। କିନ୍ତୁ ବର୍ତ୍ତମାନ ତାଙ୍କର ମୋଟ ସମ୍ପତ୍ତି ଅଧିକ ନାହିଁ। ରିପୋର୍ଟ ଅନୁଯାୟୀ, ୨୦୨୪ ସୁଦ୍ଧା ମାଇକ ଟାଇସନଙ୍କ ସମ୍ପତ୍ତି ମୂଲ୍ୟ ୧୦ ମିଲିୟନ ଡଲାର (୮୪ କୋଟି ଟଙ୍କା) ରହିଛି। ଟାଇସନଙ୍କ ପରି ଜଣେ ମହାନ କ୍ୟାରିଅର୍ ପାଇଥିବା ବ୍ୟକ୍ତିଙ୍କ ପାଇଁ ଟଙ୍କାପଇସାରେ ଅସୁବିଧା ହେବା ବିରଳ। କିନ୍ତୁ ଟାଇସନ କ୍ଷେତ୍ରରେ ଏହାର ଓଲଟା ହୋଇଥିଲା। ଅନେକ କ୍ରୀଡାବିତ୍ଙ୍କ ଭଳି ଟାଇସନ ମଧ୍ୟ ନିଜର ରୋଜଗାର ବଢ଼ାଇବା ସହିତ ମହଙ୍ଗା ଘର, ଚିକ୍ମିକ୍ କାର୍ ଏବଂ ପୋଷା ବାଘ ଉପରେ ମଧ୍ୟ ଅଧିକ ଟଙ୍କା ଖର୍ଚ୍ଚ କରିଥିଲେ।
ମିଡିଆ ରିପୋର୍ଟ ଅନୁଯାୟୀ, ମାଇକ ଟାଇସନ ତାଙ୍କ କ୍ୟାରିଅରରେ ୬୮୫ ନିୟୁତ ଡଲାର (୫୭୦୦ କୋଟି ଟଙ୍କା) ରୋଜଗାର କରିଥିଲେ। କିନ୍ତୁ ମକଦ୍ଦମା ସହ ଅନ୍ୟାନ୍ୟ ଆମୋଦପ୍ରମୋଦ ଦ୍ରବ୍ୟରେ ଖର୍ଚ୍ଚ କରି ସେ ଧୀରେ ଧୀରେ ସବୁକିଛି ହରାଇଥିଲେ। ୨୦୦୩ରେ ଟାଇସନ ତାଙ୍କର ୨୩ ମିଲିୟନ ଡଲାର୍ ଋଣ ଥିବା କହି ଚର୍ଚ୍ଚାକୁ ଆସିଥିଲେ। ଏହା ପରେ ଟାଇସନ ପୁନର୍ବାର ପ୍ରତ୍ୟାବର୍ତ୍ତନ କରିଥିଲେ। ବର୍ତ୍ତମାନ ଯେତେବେଳେ ସେ ୧୬ ନଭେମ୍ବର ୨୦୨୪ ରେ ଜେକ ପାଲଙ୍କ ସାମ୍ନା କରିବେ, ସେତେବେଳେ ତାଙ୍କର ସମ୍ପତ୍ତି ବୃଦ୍ଧି ପାଇବ।ଏକ ରିପୋର୍ଟ ଅନୁଯାୟୀ, ଏହି ସଂଗ୍ରାମ ପାଇଁ ଟାଇସନଙ୍କୁ ୨୦ ମିଲିୟନ ଆମେରିକୀୟ ଡଲାର (୧୬୮ କୋଟି ଟଙ୍କା