କାନ୍ବେରା,୩।୧୧: ବର୍ତ୍ତମାନ ଈଶାନ କିଶନ ଇଣ୍ଡିଆ ଏ ଟିମ୍ ସହ ଅଷ୍ଟ୍ରେଲିଆ ଗସ୍ତରେ ଅଛନ୍ତି। ଅଷ୍ଟ୍ରେଲିଆ ଏ ବିପକ୍ଷରେ ମୁକାବିଲା ଖେଳାଯାଉଥିବା ବେଳେ ସେ ଏକ ବିବାଦରେ ଫସିଛନ୍ତି । ଏଥିଲାଗିି ତାଙ୍କୁ ଦଣ୍ଡ ମଧ୍ୟ ମିଳିପାରେ। ଏମିତିରେ ଆପଣ ଭାବୁଥିବେ ପୁରା ଘଟଣା କ’ଣ? ମାମଲାଟି ଅଷ୍ଟ୍ରେଲିଆ ଏ ଏବଂ ଇଣ୍ଡିଆ ଏ ମଧ୍ୟରେ ଖେଳାଯାଇଥିବା ମୁକାବିଲା ସମୟର। ମ୍ୟାଚ୍ରେ ଏଭଳି କିଛି ଘଟିଥିଲା ଯାହାକୁ ନେଇ ଈଶାନ ଅଡ଼ୁଆରେ ଫସିଛନ୍ତି।
ଈଶାନ ମ୍ୟାଚ୍ ସମୟରେ ଅମ୍ପାୟାରଙ୍କ ବିରୋଧରେ ବିଦ୍ରୋହ କରିଥିଲେ। ଏଥିରେ ଅମ୍ପାୟାର ଆହତ ହୋଇଥିଲେ ଏବଂ ତାଙ୍କ ବିରୋଧରେ ଅଭିଯୋଗ କରିବେ ବୋଲି କହିଛନ୍ତି। ଏବେ ଯଦି ସେଭଳି ଘଟେ ତେବେ କ୍ରିକେଟ ନିୟମ ମୁତାବକ ତାଙ୍କୁ ଦଣ୍ଡ ମିଳିପାରେ।
ତେବେ ମ୍ୟାଚ୍ର ଅନ୍ତିମ ଦିନରେ ଅମ୍ପାୟାରଙ୍କ ନିଷ୍ପତ୍ତି ବିରୋଧରେ ଈଶାନ ଅସନ୍ତୋଷ ଜାହିର କରିବା ସହ ବିଦ୍ରୋହ କରିଥିଲେ। ସେତେବେଳେ ସମସ୍ତ ଭାରତୀୟ ଖେଳାଳି ଶନ୍ କ୍ରେଗଙ୍କ ନିକଟକୁ ଯାଇ ମ୍ୟାଚ୍ରେ ବଲ୍ ବଦଳାଇବାକୁ ନେଇ ବିରୋଧ କରିଥିଲେ। ଏହି ସମୟରେ ଅମ୍ପାୟାର ଷ୍ଟମ୍ପ ମାଇକ୍ ଜରିଆରେ ଏଭଳି କହୁଥିବା ଶୁଣାଯାଇଥିଲା ଯେ ବର୍ତ୍ତମାନେ କୌଣସି ଆଲୋଚନା ହୋଇନାହିଁ, ମ୍ୟାଚ୍ ଖେଳ।
ଅମ୍ପାୟାରଙ୍କ ଏହି ବୟାନକୁ ନେଇ ଈଶାନ ‘ତେବେ କ’ଣ ଏବେ ଆମେ ଏହି ବଲ୍ରେ ଖେଳିବୁ’ ବୋଲି ପ୍ରଶ୍ନ କରିଥିଲେ। ଏହା ଠିକ୍ ନୁହେଁ। ଏହା ବହୁତ ମୁର୍ଖତାପୂର୍ଣ୍ଣ ନିଷ୍ପତ୍ତି ବୋଲି ସେ କହିଥିଲେ। ତେବେ ଭାରତୀୟ ଉଇକେଟକିପରଙ୍କ ଏଭଳି ବିବୃତ୍ତି ଶନ୍ କ୍ରେଗ୍ଙ୍କୁ ଖରାପ ଲାଗିଛି। ଏହା ଅସହ୍ୟ। ଏଭଳି ଆଚରଣ ବିରୋଧରେ ଅଭିଯୋଗ କରିବି ବୋଲି ଅମ୍ପାୟାର ଉତ୍ତର ଦେଇଛନ୍ତି।
କହିରଖୁଛୁ, ବଲ୍କୁ ନେଇ ଏହି ମାମଲା ଏବେ ବିବାଦରେ ଫସିଛି। କାରଣ ଭାରତୀୟ ଖେଳାଳିମାନେ ବଲ୍ ଟାମ୍ପରିଂ କରିଥିବା ଅମ୍ପାୟାର ଅନୁଭବ କରିଛନ୍ତି। ଯଦି ତଦନ୍ତରେ ଏହା ଜଣାପଡେ, ତେବେ କ୍ରିକେଟ ଅଷ୍ଟ୍ରେଲିଆର ନିୟମ ମୁତାବକ ଏଥିରେ ସାମିଲ ଖେଳାଳିଙ୍କ ଉପରେ ବ୍ୟାନ୍ ଲଗାଯାଇପାରେ।