ନୂଆଦିଲ୍ଲୀ,୬ ।୭: କରୋନା ମହାମାରୀକୁ ଦୂରେଇ ଦେବାକୁ ଏବେ ବିଶ୍ୱର ପ୍ରାୟ ସମସ୍ତ ଦେଶରେ ଟିକକରଣ ଉପରେ ଅଧିକ ଗୁରୁତ୍ୱ ଦିଆଯାଉଛି । ଏବେସୁଦ୍ଧା ଦେଶରେ କେବଳ କୋଭିସିଲ୍ଡ ଓ କୋଭାକ୍ସିନ ଟିକା ଉପଲବ୍ଧ ହେଉଥିବା ବେଳେ ଆଗାମୀ ଦିନରେ ରୁଷିଆ ନିର୍ମିତ ସ୍ପୁଟନିକ-ଭି ଟିକା ମିଳିବ । ଡା. ଏନ୍କେ ଆରୋରାଙ୍କ ସୂଚନା ଅନୁଯାୟୀ ସ୍ପୁଟନିକ-ଭି ଖୁବ୍ ଶୀଘ୍ର ଟିକାକରଣ କେନ୍ଦ୍ରରେ ଉପଲବ୍ଧ ହେବ । ଯାହା ମାଗଣାରେ ଲୋକଙ୍କୁ ଯୋଗାଇ ଦିଆଯିବ । ପ୍ରଥମେ ଏହା ଘରୋଇ ହସ୍ପିଟାଲରେ ମିଳୁଥିବା ବେଳେ ଏବେ ଏହା ସରକାରୀ ହସ୍ପିଟାଲରେ ମାଗଣାରେ ମିଳିବ ବୋଲି ଡା. ଆରୋରା କହିଛନ୍ତି । ତେବେ ସବୁ ନିର୍ଭର କରୁଛି ଏହାର ସପ୍ଲାଇ ଉପରେ । ରୁଷିଆ ନିର୍ମିତ ଏହି ସ୍ପୁଟନିକ-ଭି ଟିକାକୁ ମାଇନସ୍ ୧୮ ଡିଗ୍ରୀ ତାପମାତ୍ରାରେ ରଖିବାକୁ ପଡିବ । ତେଣୁ ପୋଲିଓ ଟିକା ପାଇଁ ଯେଉଁ କୋଲ୍ଡ ଚାମ୍ପର ବ୍ୟବହାର କରାଯାଉଥିଲା ତାକୁ ଏବେ ସ୍ପୁଟନିକ-ଭି ରଖିବାକୁ ବ୍ୟବହାର କରାଯିବ । ତେବେ ଏହି ଭ୍ୟାକ୍ସିନକୁ ଦେଶର ଗ୍ରାମୀଣ ଅଞ୍ଚଳରେ ପହଞ୍ଚାଇବାକୁ ଲକ୍ଷ୍ୟ ରଖାଯାଇଥିବା ଆରୋରା କହିଛନ୍ତି ।