ଓ୍ବାଶିଂଟନ, ୧୨ା୪: ପେଗାସସ୍ ଭଳି ଆଉ ଏକ ସ୍ପାଏଓ୍ବେର ଆକ୍ରମଣ ମଙ୍ଗଳବାର ସାମ୍ନାକୁ ଆସିଛି। ଉତ୍ତର ଆମେରିକା, କେନ୍ଦ୍ରୀୟ ଏସିଆ, ଦକ୍ଷିଣପୂର୍ବ ଏସିଆ, ୟୁରୋପ ଏବଂ ମଧ୍ୟପ୍ରାଚ୍ୟର କେତେଜଣ ରାଜନେତା, ଖବରଦାତା କ୍ୱାଡ୍ରିମ୍ ନାମକ ନୂଆ ସ୍ପାଏଓ୍ବେର ଟାର୍ଗେଟ୍ର ଶିକାର ହୋଇଛନ୍ତି। ହ୍ୟାକରମାନେ କ୍ୱାଡ୍ରିମ୍ ସ୍ପାଏଓ୍ବେର ବ୍ୟବହାର କରି ନେତା, ସାମ୍ବାଦିକ ଏବଂ ଏନ୍ଜିଓ କର୍ମଚାରୀଙ୍କ ଆଇଫୋନ୍କୁ କ୍ୟାଲେଣ୍ଡର ଭାବରେ ଛଦ୍ମ ମାଲ୍ଓ୍ବାର ପଠାଇ ଏହାକୁ ହ୍ୟାକ୍ କରିଥାନ୍ତି। ଏଭଳି ହ୍ୟାକ୍ର ଶିକାର ହୋଇଥିବା ଲୋକଙ୍କୁ ମାଇକ୍ରୋସଫ୍ଟ ଏବଂ ସିଟିଜେନ୍ ଲାବ୍ର ଗବେଷକମାନେ ଚିହ୍ନଟ କରିଛନ୍ତି। ମାଇକ୍ରୋସଫ୍ଟ ଥ୍ରେଟ୍ ଇଣ୍ଟେଲିଜେନ୍ସ ଶେୟାର କରିଥିବା ନମୁନା ବିଶ୍ଳେଷଣ ଆଧାରରେ ସିଟିଜେନ୍ ଲାବ୍ ଏକ ଇଣ୍ଡିକେଟର ବିକଶିତ କରିଥିଲା। କ୍ୱାଡ୍ରିମ୍ ସ୍ପାଏଓ୍ବେର ଦ୍ୱାରା ଟାର୍ଗେଟର ଶିକାର ହୋଇଥିବା ଅନୂ୍ୟନ ୫ ଜଣ ସିଭିଲ୍ ସୋସାଇଟି କର୍ମୀଙ୍କୁ ଉକ୍ତ ଇଣ୍ଡିକେଟର ଚିହ୍ନଟ କରିବାରେ ସମର୍ଥ ହୋଇଥିବା ସିଟିଜେନ୍ ଲାବ୍ କହିଛି। କ୍ୱାଡ୍ରିମ୍ ସ୍ପାଏଓ୍ବେରକୁ ନିୟୋଜିତ କରିବା ଲାଗି ଏକ ସନ୍ଦିଗ୍ଧ ଆଇଓଏସ୍ ୧୪ ଜିରୋ-କ୍ଲିକ୍ ଏକ୍ସପ୍ଲଏଟ୍କୁ ବ୍ୟବହାର କରାଯାଇଥିବା ଗବେଷକମାନେ ଚିହ୍ନଟ କରିଥିଲେ।