ପ୍ୟାରିସ, ୪।୬-ଫ୍ରେଞ୍ଚ ଓପନ ଗ୍ରାଣ୍ଡସ୍ଲାମ ଟେନିସ ଟୁର୍ନାମେଣ୍ଟର ଗୁରୁବାର ଅନୁଷ୍ଠିତ ଦ୍ୱିତୀୟ ରାଉଣ୍ଡ ମ୍ୟାଚରେ ଡିଏଗୋ ସ୍କ୍ବାର୍ଜମ୍ୟାନ, ଡାନିଏଲ ମେଡଭେଡେଭ ପ୍ରମୁଖ ନାମୀ ଖେଳାଳିମାନେ ବିଜୟୀ ହୋଇ ତୃତୀୟ ରାଉଣ୍ଡରେ ପ୍ରବେଶ କରିଛନ୍ତି। ମେଡଭେଡେଭ ଦ୍ୱିତୀୟ ରାଉଣ୍ଡରେ ଟମି ପଲ୍ଙ୍କୁ ୩-୬, ୬-୧, ୬-୪, ୬-୩ ସେଟ୍ରେ ହରାଇ ଦେଇଛନ୍ତି। ସେହିପରି ସ୍କ୍ବାର୍ଜମ୍ୟାନ ୬-୪, ୬-୨, ୬-୪ ସେଟ୍ରେ ଆଲଜାଜ ବେଡେନେଙ୍କୁ ପରାସ୍ତ କରିଛନ୍ତି। ଅନ୍ୟମାନଙ୍କ ମଧ୍ୟରେ ଫିଲିପ କେଲଶ୍ଚେର୍ବର ୬-୩, ୭-୬(୭/୪), ୪-୬, ୬-୧ ସେଟ୍ରେ ଅସଲାନ କାରାସେଭ, ମାଟେଓ ବାରେଟିନି ୬-୩, ୬-୩, ୬-୨ରେ ଫେଡେରିକୋ କୋରିଆ, କ୍ୱନ ସୁନ-ଉ ୬-୪, ୭-୫, ୭-୫ ସେଟ୍ରେ ଆନ୍ଦ୍ରଆସ ସେପ୍ପି, ମିକାଏଲ ୟାମେର ୬-୦, ୨-୬, ୬-୪, ୬-୩ରେ ଗାଏଲ ମନଫିଲ୍ସ, ଲରେଞ୍ଜୋ ମୁସେଟ୍ଟି ୭-୫, ୬-୩, ୬-୨ ସେଟ୍ରେ ୟୋଶିହିତୋ ନିଶିଓକାଙ୍କୁ ପରାସ୍ତ କରିଛନ୍ତି।
ଆଶ୍ଲେ ବାର୍ଟି ଓହରିଲେ
ମହିଳା ସିଙ୍ଗଲ୍ସରେ ଟପ୍ ର଼୍ୟାଙ୍କ୍ପ୍ରାପ୍ତ ଆଶ୍ଲେ ବାର୍ଟି ଆହତ ସମସ୍ୟା ଯୋଗୁ ଦ୍ୱିତୀୟ ରାଉଣ୍ଡରୁ ଓହରି ଯାଇଛନ୍ତି। ୨୦୧୯ ଚାମ୍ପିୟନ ବାର୍ଟି ଏଠାରେ ୧-୬, ୨-୨ରେ ପଛୁଆ ଥିବାବେଳେ ଆଉ ଖେଳ ବଜାୟ ରଖିବାକୁ ଅସମର୍ଥ ବୋଲି ସୂଚନା ଦେଇଥିଲେ। ପ୍ରଥମ ରାଉଣ୍ଡ ପରେ ସେ ମେଡିକାଲ ଟାଇମ ଆଉଟ ଆବଶ୍ୟକ କରିଥିଲେ। ପ୍ରଥମ ରାଉଣ୍ଡରେ ସେ ବର୍ନାର୍ଦା ପେରାଙ୍କୁ ୬-୪, ୩-୬, ୬-୨ ସେଟ୍ରେ ହରାଇବା ପଥରେ ମଧ୍ୟ ଅଣ୍ଟାରୁ ଜଙ୍ଘର ମଧ୍ୟସ୍ଥଳରେ ଯନ୍ତ୍ରଣା ଅନୁଭବ କରିଥିଲେ। ଗତବର୍ଷ ସେ କରୋନା ସଂକ୍ରମଣ ଯୋଗୁ ନ ଖେଳି ଅଷ୍ଟ୍ରେଲିଆରେ ନିଜ ଘରେ ରହିବାକୁ ପସନ୍ଦ କରିଥିଲେ।
ମହିଳା ସିଙ୍ଗଲ୍ସରେ ଅନ୍ୟ ଦ୍ୱିତୀୟ ରାଉଣ୍ଡ ମ୍ୟାଚଗୁଡ଼ିକ ମଧ୍ୟରେ କାରୋଲିନ୍ ପ୍ଲିସ୍କୋଭାଙ୍କୁ ୭-୫, ୬-୧ ସେଟ୍ରେ ହରାଇ ବିଦାୟ ପଥ ଦେଖାଇଛନ୍ତି ସ୍ଲୋଆନେ ଷ୍ଟିଫେନ୍ସ। ସୋଫିଆ କେନିନ ୭-୫, ୬-୩ରେ ହିଲି ବାପ୍ଟିଷ୍ଟେ, ବାର୍ବରା ଗ୍ରାଚେଭା ୭-୫, ୧-୬, ୬-୨ରେ କାମିଲା ଗିଓର୍ଗି, କାରୋଲିନ ମୁଚୋଭା ୬-୩, ୬-୪ ସେଟ୍ରେ ବାର୍ବରା ଲିପ୍ଚେଙ୍କୋ ଏବଂ ଓନ୍ସ ଜାବେଉର ୬-୨, ୬-୪ରେ ଅଷ୍ଟ୍ରା ଶର୍ମାଙ୍କୁ ହରାଇ ତୃତୀୟ ରାଉଣ୍ଡରେ ପହଞ୍ଚତ୍ଛନ୍ତି। ପେତ୍ରୋ କ୍ୱିଟୋଭାଙ୍କ ବିପକ୍ଷରେ ଓ୍ବାକ୍ଓଭର ପାଇଛନ୍ତି ଏଲିନା ଭେସନିନା। ଏଲିନା ସ୍ବିତୋଲିନା ୬-୦, ୬-୪ ସେଟ୍ରେ ଆନ୍ ଲୀ’ଙ୍କୁ ହରାଇଥିବାବେଳେ ମାର୍ତା କୋଷ୍ଟ୍ୟୁକ ୬-୩, ୬-୪ ସେଟ୍ରେ ଝେଙ୍ଗ ସାଇସାଇ, ଟେରେଜା ମାର୍ଟିନକୋଭା ୬-୩, ୬-୩ରେ ଜେସିକା ପେଗୁଲା, ବାର୍ବରା କ୍ରେଜିକୋଭା ୬-୨, ୬-୩ରେ ଏକ୍ଟେରିନା ଆଲେକ୍ସାଣ୍ଡ୍ରୋଭା ଏବଂ ମାରିଆ ସାକାରି ୬-୨, ୬-୩ରେ ଜସମିନ ପାଓଲିନଙ୍କୁ ହରାଇ ତୃତୀୟ ରାଉଣ୍ଡରେ ପ୍ରବେଶ କରିଛନ୍ତି।