ଭୁବନେଶ୍ୱର, ୨୬।୧(କ୍ରୀଡ଼ା ପ୍ରତିନିଧି): ଏସ୍ଆର ଚେସ୍ ସେଣ୍ଟର ଆନୁକୂଲ୍ୟରେ ଆୟୋଜିତ ୨୬ତମ ଅନ୍ଲାଇନ୍ ଚେସ୍ ଚାମ୍ପିୟନଶିପ୍ରେ ତନ୍ମୟ ତ୍ରିପାଠୀ ଚାମ୍ପିୟନ ହୋଇଛନ୍ତି। ୫ ରାଉଣ୍ଡ ବିଶିଷ୍ଟ ପ୍ରତିଯୋଗିତାରେ ଭୁବନେଶ୍ୱର ଷ୍ଟୁଆର୍ଟ ସ୍କୁଲର ତନ୍ମୟ ୪.୫ ପଏଣ୍ଟ ପାଇ ତୃତୀୟ ଥର ପାଇଁ ଏହି ଗୌରବ ଅର୍ଜନ କରିଛନ୍ତି। ଡିପିଏସ କଳିଙ୍ଗାର ପ୍ରତୀକ ଚୌରାସିଆ ୪ ପଏଣ୍ଟ ସହ ରନର୍ସଅପ୍ ହୋଇଛନ୍ତି। ଆସାମର ଜ୍ୟୋତ୍ସବ ତାଲିକଦାର (୪) ତୃତୀୟ ସ୍ଥାନ ଅଧିକାର କରିଛନ୍ତି। ବିଭିନ୍ନ ବୟସ ବର୍ଗରେ ଦକ୍ଷିଣ ଆଫ୍ରିକାର ଡେଭିନ ଚ୍ବାଲ୍ (୩.୫), ଧୀର ଚାଓ୍ବାଲ (୨.୫), ପଞ୍ଜାବର ସାର୍ଥକ ସିଙ୍ଘଲ(୩), ହାଇଦ୍ରାବାଦର ଶିବାଂଶ ମିଶ୍ର (୩), ଆଦିତ୍ୟ ବିକ୍ରମ ମିଶ୍ର (୨.୫) ଶ୍ରେଷ୍ଠ ପ୍ରଦର୍ଶନ କରି ପୁରସ୍କୃତ ହୋଇଛନ୍ତି। ଏସ୍ଆର୍ ଚେସ୍ ସେଣ୍ଟରର ସମ୍ପାଦକ ସତ୍ୟରଞ୍ଜନ ପଟ୍ଟନାୟକଙ୍କ ତତ୍ତ୍ୱାବଧାନରେ ଅନୁଷ୍ଠିତ ଏହି ପ୍ରତିଯୋଗିତାର ପରିଚାଳନାରେ ଡ. ମାନସ ରଞ୍ଜନ ମିଶ୍ର ଓ ସତ୍ୟଜିତ ପଟ୍ଟନାୟକ ସହାୟତା କରିଥିଲେ। ଏଥିରେ ବିଭିନ୍ନ ଦେଶ ଓ ରାଜ୍ୟର ପ୍ରତିଯୋଗୀ ଅଂଶଗ୍ରହଣ କରିଥିଲେ।