କଲମ୍ବୋ,୨୪।୫ : ଅନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମଏଫ ) ପୁଣି କହିଛି ଶ୍ରୀଲଙ୍କାକୁ ସେପ୍ଟେମ୍ବର ସୁଦ୍ଧା ଋଣ ପୁନର୍ଗଠନ ପ୍ରକ୍ରିୟା ସମ୍ପୂର୍ଣ୍ଣ କରିବାକୁ ପଡିବ। ନଗଦ ଅର୍ଥର ସଙ୍କଟ ସମ୍ମୁଖୀନ ହେଉଥିବା ଦେଶ ଶ୍ରୀଲଙ୍କାକୁ ଦିଆଯାଇଥିବା ବେଲ ଆଉଟ ସୁବିଧାକୁ ଆଇଏମଏଫ ସମୀକ୍ଷା କରିବ।
ଶ୍ରୀଲଙ୍କାର ରାଷ୍ଟ୍ରପତି ରାନିଲ ବିକ୍ରମସିଙ୍ଘେ କହିଛନ୍ତି ଶ୍ରୀଲଙ୍କାର ଋଣ ପୁନର୍ନିର୍ମାଣ କାର୍ଯ୍ୟକ୍ରମ ସେପ୍ଟେମ୍ବର ସୁଦ୍ଧା ଶେଷ ହେବ ଏବଂ ଏହାର ଦେବାଳିଆ ଅର୍ଥନୀତି କୁ ସ୍ଥିର ସ୍ତରକୁ ଆଣିବାର ଉଦ୍ୟମ କରାଯାଉଛି। ତେବେ ଏଭଳି ମନ୍ତବ୍ୟ ଦେଇ ଆଇଏମଏଫ ନିଶ୍ଚିତ କରିବାକୁ ଚାହୁଁଛି ଶ୍ରୀଲଙ୍କା ନିଜର ପ୍ରତିବଦ୍ଧତା ପୂରଣ କରୁଛି କି ନାହିଁ।
ଏହି ସମୟରେ ସେ ଗୁରୁତ୍ୱାରୋପ କରିଛନ୍ତି, ଅନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମଏଫ) ଦ୍ୱାରା ଧାର୍ଯ୍ୟ କରାଯାଇଥିବା କଠୋର ସର୍ତ୍ତ ପୂରଣ କରିବା ବ୍ୟତୀତ ତାଙ୍କ ପାଖରେ କୌଣସି ବିକଳ୍ପ ନାହିଁ।
ଏକ ଗୁରୁତର ଅର୍ଥନୈତିକ ଏବଂ ମାନବିକ ସଙ୍କଟ ଯୋଗୁଁ ଶ୍ରୀଲଙ୍କାର ସ୍ଥିତି ଖରାପ ରହିଛି। ଆଇଏମଏଫ କହିଛି ପୂର୍ବର ଖରାପ ଅର୍ଥ ବ୍ୟବସ୍ଥା ଏବଂ ସଙ୍କଟ ସମୟରେ ନିଆଯାଇଥିବା ଭୁଲ ପଦକ୍ଷେପ ଦ୍ୱାରା ଅର୍ଥନୀତି ଦୁର୍ବଳ ହୋଇଯାଇଛି।
