ଚେନ୍ନାଇ,୧୭।୧୧ : ଶ୍ରୀଲଙ୍କା ନୌସେନା ଭାରତୀୟ ଧୀବରଙ୍କ ଉପରେ ଚଢ଼ାଉ କରିଛି। ଏହି ସମୟରେ ଜଣେ ଭାରତୀୟ ଧୀବରଙ୍କ ଆଖିରେ ଆଘାତ ଲାଗିଛି। ଭାରତୀୟ ସାମୁଦ୍ରିକ ସୀମା ଉଲ୍ଲଂଘନ କରି ୧୪ ଜଣ ଧୀବର ମାଛ ଧରୁଥିବା ଅଭିଯୋଗ ହୋଇଛି। ତେଣୁ ମେସାନଙ୍କୁ ଗିରଫ କରାଯାଇଛି ବୋଲି ଜଣେ ଅଧିକାରୀ ସୂଚନା ଦେଇଛନ୍ତି।
ବୁଧବାର ବିଳମ୍ବିତ ରାତିରେ ଶ୍ରୀଲଙ୍କା ନୌସେନାର ଚଢ଼ାଉ ସମୟରେ ଆହତ ହୋଇଥିବା ଭାରତୀୟ ଧୀବରଙ୍କ ନାମ ଜନସନ। ସେ ତାମିଲନାଡୁର ରାମେଶ୍ୱରମର ବାସିନ୍ଦା ବୋଲି ଜଣାପଡିଛି। ଏଥିସହ ନାଗାପଟ୍ଟିନମ ଜିଲାର ଅନ୍ୟ ଧୀବରମାନଙ୍କୁ ଶ୍ରୀଲଙ୍କା ନୌସେନା ଦ୍ୱାରା ଗିରଫ କରିଛି। ସେମାନେ ବ୍ୟବହାର କରୁଥିବା ମାଛଧରା ଡଙ୍ଗାକୁ ମଧ୍ୟ ଜବତ କରାଯାଇଛି।
