କଲମ୍ବୋ,୨୬।୪: ଶ୍ରୀଲଙ୍କାରେ ଇଷ୍ଟର ସନ୍ ଡେ’ରେ ହୋଇଥିବା ସିରିଏଲ ବୋମା ବିସ୍ଫୋରଣରେ ଏପର୍ଯ୍ୟନ୍ତ ୩୫୯ଜଣଙ୍କ ମୃତ୍ୟୁ ହୋଇଥିବା ବିଭିନ୍ନ ଗଣମାଧ୍ୟମରେ ପ୍ରକାଶ ପାଇଛି। ହେଲେ ଏହି ସଂଖ୍ୟା ଭୁଲ୍ ବୋଲି କହିଛନ୍ତି ଶ୍ରୀଲଙ୍କା ସରକାର। ବୁଧବାର ଶ୍ରୀଲଙ୍କାର ଉପ ପ୍ରତିରକ୍ଷା ମନ୍ତ୍ରୀ କହିଥିଲେ କି ମୃତ୍ୟୁ ସଂଖ୍ୟା ୩୫୯ ଛୁଇଁଛି। ହେଲେ ଗୁରୁବାର ସ୍ବାସ୍ଥ୍ୟ ମନ୍ତ୍ରଣାଳୟ ଏଥିରେ ସଂଶୋଧନ କରି କହିଥିଲା କି ୧୧ ଭାରତୀୟଙ୍କ ସମେତ ୨୫୩ ଜଣଙ୍କ ମୃତ୍ୟୁ ହୋଇଛି। ଅର୍ଥାତ୍ ପ୍ରତିରକ୍ଷା ବିଭାଗ ସହ ତୁଳନା କଲେ ପ୍ରାୟ ଶହେ ଲୋକ କମ୍ ଅଛନ୍ତି। ସ୍ବାସ୍ଥ୍ୟ ମନ୍ତ୍ରଣାଳୟ କହିଛି କି ବିସ୍ଫୋରଣ ସମୟରେ ଅନେକ ଲୋକଙ୍କର ବିଭିନ୍ନ ଅଙ୍ଗ ଖଣ୍ଡ ବିଖଣ୍ଡିତ ଅବସ୍ଥାରେ ପଡିଥିଲା। ତେଣୁ ଜଣେ ବ୍ୟକ୍ତିଙ୍କର ଅଙ୍ଗକୁ ଅନ୍ୟ କେତେ ଜଣଙ୍କର ଅଙ୍ଗ ଭାବି ଗଣନା କରାଯାଇଛି। ଯାହା ଫଳରେ ମୃତକଙ୍କ ସଂଖ୍ୟା ବଢି ଯାଇଛି। ତେବେ ଶ୍ରୀଲଙ୍କା ବିସ୍ଫୋରଣରେ ପ୍ରକୃତରେ ମୃତ୍ୟୁ ସଂଖ୍ୟା କେତେ ହୋଇଛି ତାହା ଏବେ ଆଲୋଚନାର ବିଷୟ ପାଲଟିଛି।