କଲମ୍ବୋ,୧ା୩: ସରକାରଙ୍କ ଦ୍ୱାରା ଟିକସ ଏବଂ ୟୁଟିଲିଟି ହାର ବୃଦ୍ଧିକୁ ବିରୋଧ କରି ବୁଧବାର ଶ୍ରୀଲଙ୍କା ଟ୍ରେଡ୍ ୟୁନିୟନ ଦେଶବ୍ୟାପୀ ଧର୍ମଘଟ ଡାକରା ଦେଇଥିଲା। ଯେଉଁଥିପାଇଁ ସାଧାରଣ ଜୀବନଯାତ୍ରା ବ୍ୟାହତ ହୋଇଥିଲା। ଏହା ସହିତ ବ୍ୟାଙ୍କିଙ୍ଗ, ବିମାନବନ୍ଦର ଭଳି ପ୍ରମୁଖ କ୍ଷେତ୍ରର ସେବା ମଧ୍ୟ ବ୍ୟାହତ ହୋଇଥିଲା।
ଦେଶର ସ୍ଥିତିରେ ଉନ୍ନତି ଆଣିବା ପାଇଁ ଶ୍ରୀଲଙ୍କାର ରାଷ୍ଟ୍ରପତି ଟିକସ ହାର ବୃଦ୍ଧି କରିଥିଲେ, ଏହି କାରଣରୁ ଟ୍ରେଡ୍ ୟୁନିଅନ ସରକାରଙ୍କୁ ଏହି ଆଦେଶ ପ୍ରତ୍ୟାହାର କରିବାକୁ ଅନୁରୋଧ କରିଥିଲେ। ତେବେ ଟିଆରଏକ୍ସ ହାର ବୃଦ୍ଧି କରିବାକୁ ରାଷ୍ଟ୍ରପତି ତାଙ୍କ ନିର୍ଦ୍ଦେଶ ପ୍ରତ୍ୟାହାର କରିନାହାନ୍ତି।
ଟ୍ରେଡ ୟୁନିଅନ କହିଛି, ଗୁରୁବାର ସକାଳ ୭ରୁ ସନ୍ଧ୍ୟା ୭ ପର୍ଯ୍ୟନ୍ତ ଆମେ ଧର୍ମଘଟ ଡାକିଛୁ। ବ୍ୟାଙ୍କ କର୍ମଚାରୀଙ୍କ ଟ୍ରେଡ୍ ୟୁନିଅନର ଜଣେ ଅଧିକାରୀ ଚାନ୍ନା ଡିସାନାଇକେ କହିଛନ୍ତି, ଶ୍ରୀଲଙ୍କାର ସେଣ୍ଟ୍ରାଲ ବ୍ୟାଙ୍କ ସମେତ ଦୁଇଟି ରାଷ୍ଟ୍ରାୟତ୍ତ ବ୍ୟାଙ୍କରେ କାର୍ଯ୍ୟ ବୁଧବାର ବନ୍ଦ ହୋଇଯାଇଛି।
ଶିକ୍ଷକ ଟ୍ରେଡ ୟୁନିଅନର ମୁଖପାତ୍ର ଜୋସେଫ ଷ୍ଟାଲିନ କହିଛନ୍ତି, ସରକାରଙ୍କ ପଦକ୍ଷେପକୁ ଶିକ୍ଷକମାନେ ବିରୋଧ କରିଥିବା ବେଳେ ବିଶ୍ୱବିଦ୍ୟାଳୟ ଶିକ୍ଷକ ସଂଘର ଚାରୁକା ଇଲାଙ୍ଗସିନା କହିଛନ୍ତି, ସରକାର ଟିକସ ବୃଦ୍ଧି ପ୍ରତ୍ୟାହାର ନ କରିବା ପର୍ଯ୍ୟନ୍ତ ସେମାନେ ଧର୍ମଘଟ ଜାରି ରଖିବେ।