କଲମ୍ବୋ,୧୪ ।୧୧: ଚାଇନାର ଆକ୍ରମକ ବିସ୍ତରାବାଦୀ ନୀତି ଓ ଋଣ ଜାଲରେ ଫସାଇବାର ଯୋଜନାକୁ ଦେଖି ଛୋଟ ଛୋଟ ଦେଶବି ମୁହଁ ଖୋଲିବା ଆରମ୍ଭ କରି ଦେଲେଣି । ଏବେ ଏଥିରେ ସାମିଲ ହୋଇଛି ଶ୍ରୀଲଙ୍କା । ଚାଇନା କମ୍ପାନୀର ଖରାପ ଗୁଣବତ୍ତା ବିଶିଷ୍ଟ ଅର୍ଗାନିକ ଫର୍ଟିଲାଇଜରର ୨୦ ହଜାର ଟନ ଖାଦ୍ୟକୁ ନେବାକୁ ମନା କରିଦେଇଛି ଶ୍ରୀଲଙ୍କା । ଏହାପରେ ଦୁଇ ଦେଶ ମଧ୍ୟରେ ଦୁର୍ଲଭ କୁଟନୀତିର ଯୁଦ୍ଧ ଆରମ୍ଭ ହୋଇଯାଇଛି । ଏକ ଆକ୍ରମଣାତ୍ମକ ଢଙ୍ଗରେ ଚାଇନା ଶ୍ରୀଲଙ୍କାର ଏକ ବ୍ୟାଙ୍କକୁ ବ୍ଲାକଲିଷ୍ଟ କରିଦେଇଛି । ଏପଟେ ଶ୍ରୀଲଙ୍କାର ବିଶେଷଜ୍ଞମାନେ ଚାଇନା ଖାଦ୍ୟକୁ ବିରୋଧ କରିଛନ୍ତି । ଏହାସହ ଶ୍ରୀଲଙ୍କା ଚାଇନାର ୯ ମିଲିୟନ ଡଲାର ପ୍ରାପ୍ୟ ଅର୍ଥକୁ ମଧ୍ୟ ବନ୍ଦ କରିଦେଇଛି । ଏହାପରେ ଚାଇନା ରାଗିଯାଇ ଶ୍ରୀଲଙ୍କାର ଏକ ବ୍ୟାଙ୍କକୁ ବ୍ଲାକ ଲିଷ୍ଟ କରିଦେଇଛି । ମିଳିଥିବା ସୂଚନା ଅନୁଯାୟୀ, ଶ୍ରୀଲଙ୍କା ଏବେ ବିଶ୍ୱର ପ୍ରଥମ ଦେଶ ଭାବେ କେବଳ ଜୈବିକ ଖାଦ୍ୟ ଶସ୍ୟ ଉପରେ ଗୁରୁତ୍ୱ ଦେଉଥିବା ବେଳେ ମହିନ୍ଦା ରାଜପକ୍ଷେଙ୍କ ସରକାର ରାସାୟନିକ ଖାଦ୍ୟ ଉପରେ ପ୍ରତିବନ୍ଧକ ଲଗାଇଛନ୍ତି । ହେଲେ ଏବେ ଚାଇନାରୁ ଆସିଥିବା ଖାଦ୍ୟରେ କ୍ଷତିକାରଣ ବ୍ୟାକ୍ଟ୍ରିୟା ଥିବା ବିଶେଷଜ୍ଞମାନେ ଜାଣିପାରିବା ପରେ ଚାଇନାର ୨୦ ହଜାର ଟନ ଖାଦ୍ୟ ଶସ୍ୟକୁ ନେବାକୁ ଶ୍ରୀଲଙ୍କା ମନା କରିଦେଇଛି । ବିଶେଷଜ୍ଞମାନେ କହିଛନ୍ତି କି ଚାଇନାରୁ ଆସିଥିବା ଖାଦ୍ୟରେ ଯେଉଁ ରାସାୟନିକ ପଦାର୍ଥ ମିଳିଛି ତାହା ମାଟି ତଳର ଖାଦ୍ୟ ଯେମିତିକି ଆଳୁ, ଗାଜର ଆଦିକୁ କ୍ଷତି ପହଞ୍ଚାଇପାରେ । ତେଣୁ ଏହାକୁ ଶ୍ରୀଲଙ୍କା ନେବାକୁ ମନା କରିଦେବା ପରେ ଖପ୍ପା ହୋଇଛି ଚାଇନା ।