![](https://www.dharitri.com/wp-content/uploads/2024/07/dht-thumb-2.png)
ନୂଆଦିଲ୍ଲୀ, ୨୨।୦୭: ଶ୍ରୀଲଙ୍କାରେ ବର୍ତ୍ତମାନ ଏସିଆ କପ୍ (ମହିଳା) ଜାରି ରହିଛି । ୮ଟି ଟିମ୍ ଏଥିରେ ଭାଗ ନେଇଥିବା ବେଳେ ଭାରତୀୟ ମହିଳା କ୍ରିକେଟ୍ ଟିମ୍ ମଧ୍ୟ ଏଥିରେ ସାମିଲ୍ ରହିଛନ୍ତି । ହରମନ୍ପ୍ରୀତ୍ଙ୍କ ଅଧିନାୟକତ଼୍ବରେ ଭାରତୀୟ ଦଳ ବର୍ତ୍ତମାନ ପର୍ଯ୍ୟନ୍ତ ଦୁଇଟି ମ୍ୟାଚ୍ ଜିତି ଗ୍ରୁପ୍ର ଶୀର୍ଷ ସ୍ଥାନରେ ରହିଛି । ଦଳ ସେମିଫାଇନାଲ୍ରେ ପ୍ରବେଶ କରିବା ନେଇ କ୍ରିକେଟ୍ ପ୍ରେମୀଙ୍କ ଆଶା ବଢ଼ିଛି । ଏହାରି ମଧ୍ୟରେ ଶ୍ରୀଲଙ୍କାର କ୍ୟାପ୍ଟେନ୍ ଧମାରି ଅଟାପଟ୍ଟୁ ଏସିଆ କପ୍ରେ ନୂଆ ରେକର୍ଡ କରିଛନ୍ତି । ଯାହାକି ଟୁର୍ଣ୍ଣାମେଣ୍ଟରେ ଏପର୍ଯ୍ୟନ୍ତ କେହି କରିନାହାନ୍ତି । ଶ୍ରୀଲଙ୍କା ଆଜି ମାଲେସିଆ ବିପକ୍ଷରେ ମ୍ୟାଚ୍ ଖେଳୁଥିଲା । ଏହି ମ୍ୟାଚ୍ରେ ଅଟାପଟ୍ଟୁ ୭ ଟି ଛକା ମାରିଛନ୍ତି ।
ଏହା ପୂର୍ବରୁ ଏସିଆ କପ୍ରେ ଗୋଟିଏ ମ୍ୟାଚ୍ରେ କୌଣସି ବି ମହିଳା ଖେଳାଳି ଏତେ ସଂଖ୍ୟକ ଛକା ମାରିନଥିଲେ । ପୂର୍ବ ମ୍ୟାଚ୍ ଦେଖିଲେ ଏହି ଟୁର୍ଣ୍ଣାମେଣ୍ଟରେ ଗୋଟିଏ ପାଳିରେ ଅଧିକରୁ ଅଧିକ ୩ଟି ଛକା ମାରିଛନ୍ତି ଖେଳାଳି । ଭାରତର ଶେଫାଳି ବର୍ମା ମାଲେସିଆ ବିପକ୍ଷରେ ୨୦୨୨ର ଏସିଆ କପ୍ରେ ୩ ଟି ଛକା ମାରିଥିଲେ ।