ମୁମ୍ବାଇ: ଟେଲି ଜଗତର ପପୁଲାର ଶୋ’ ‘ହମାରି ଓ୍ବାଲି ଗୁଡ ନ୍ୟୁଜ୍’ ଶୁଟିଂ ସେଟ୍ରେ ଏକ ଅଘଟଣ ଘଟିଛି। ଶୁଟିଂ ସମୟରେ ଅଭିନେତ୍ରୀ ସୃଷ୍ଟି ଜୈନ ଆହତ ହୋଇଥିବା ଜଣାପଡ଼ିଛି। ଶୁଟିଂ ସମୟରେ ସୃଷ୍ଟିଙ୍କ ମୁଣ୍ଡ ଉପରେ ଏକ ମେଟାଲ ରୋଡ ପଡ଼ିଯିବାରୁ ତାଙ୍କ ମୁଣ୍ଡରେ ଆଘାତ ଲାଗିଥିଲା। ଫଳରେ ଆହତ ଅବସ୍ଥାରେ ସୃଷ୍ଟିଙ୍କୁ ସଙ୍ଗେ ସଙ୍ଗେ ଏକ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇ ଚିକିତ୍ସା କରାଯାଇଥିଲା। ସୂଚନା ମୁତାବକ ଶୁଟିଂ ସେଟ୍ରେ ଜଣେ ଟେକ୍ନିସିଆନ ଲାଇଟ୍ ହଟାଉଥିବା ବେଳେ ଏକ ମେଟାଲ ରୋଡ ଅଭିନେତ୍ରୀଙ୍କ ଉପରେ ପଡ଼ି ଏହି ଦୁର୍ଘଟଣା ଘଟିଥିଲା ବୋଲି ସୃଷ୍ଟି କହିଛନ୍ତି। ଏବେ ଅଭିନେତ୍ରୀଙ୍କୁ ହସ୍ପିଟାଲରୁ ଡିସ୍ଚାର୍ଜ କରାଯାଇଥିବା ବେଳେ ବର୍ତ୍ତମାନ ସେ ଘରେ ବିଶ୍ରାମ ନେଉଥିବା ଜଣାପଡ଼ିଛି।