ଅଭିନେତା ଶ୍ରୀତମ ଦାସ ଖୁବ୍ ଶୀଘ୍ର ଦର୍ଶକଙ୍କ ସାମ୍ନାକୁ ଏକ ନୂଆ ଅବତାରରେ ଆସୁଛନ୍ତି। ରିଲିଜ ଅପେକ୍ଷାରେ ଥିବା ଚଳଚ୍ଚିତ୍ର ‘ମିତାଲି ଅପା’ର ଟାଇଟଲ ଭୂମିକାରେ ଅଭିନୟ କରିଛନ୍ତି ସେ। ମିତାଲି ଅପାକୁ ନେଇ ଏବେ ଚର୍ଚ୍ଚା। ଏକ୍ସସେଲ ମୁଭିଜ ବ୍ୟାନରରେ ପ୍ରସ୍ତୁତ ଏହି ଅଷ୍ଟମ ଚଳଚ୍ଚିତ୍ରର କାହାଣୀ ରଚନା କରିଛନ୍ତି ବିଜୟଲକ୍ଷ୍ମୀ ପଣ୍ଡା ଏବଂ ତାହାକୁ ଆଧାର କରି ଚିତ୍ରନାଟ୍ୟ ସହ ସଂଳାପ ଲେଖିଛନ୍ତି ଡ. ରଜନୀ ରଞ୍ଜନ। ଏହି ଫିଲ୍ମଟିର ନିର୍ଦ୍ଦେଶନା ଦେଇଛନ୍ତି ନବାଗତ ପ୍ରଶାନ୍ତ ଲେଙ୍କା (ବାପି)। ମିତାଲି ଅପା ନାମ୍ନୀ ଜଣେ କିନ୍ନର ଲୋକମାନଙ୍କୁ ସାହାଯ୍ୟର ହାତ ବଢ଼ାଉଛି ଏବଂ ସେ ସାମ୍ନା କରୁଥିବା ବାଧାବିଘ୍ନକୁ କିପରି ସାହସର ସହ ମୁକାବିଲା କରୁଛି ତାହା ଉକ୍ତ ଚିତ୍ରରେ ଦେଖିବାକୁ ମିଳିବ। ଏହି ଚଳଚ୍ଚିତ୍ରର ପ୍ରଯୋଜନା କରିଛନ୍ତି ରବୀନ୍ଦ୍ର ନାଥ ପଣ୍ଡା। ଶ୍ରୀତମଙ୍କ ବ୍ୟତୀତ ଏହି ସିନେମାରେ ଅସୀତ, ମହିମା, ସୋନମ୍, ମନୀଷା ରଥ, କେକେ ପ୍ରମୁଖ କଳାକାର ବିଭିନ୍ନ ଭୂମିକାରେ ନଜର ଆସିବେ।