ଖମାର,୧୭।୧(ଡି.ଏନ୍.ଏ.): ଦେବଗଡ଼ ବନଖଣ୍ଡ ଖମାର ବନାଞ୍ଚଳ ଅଧିକାରୀ ଚନ୍ଦ୍ରଶେଖର ଗଡ଼ନାୟକଙ୍କ ମାଡ଼ରେ ପାରା ଫରେଷ୍ଟ ଷ୍ଟାପ୍ ତଥା ରେଞ୍ଜରଙ୍କ ରୋଷେୟା ଭାବେ କାମ କରୁଥିବା ସୁଶାନ୍ତ କୁମାର ବେହେରା(୪୦) ଆହତ ହୋଇ ମେଡ଼ିକାଲ ଭର୍ତ୍ତି ହୋଇଛନ୍ତି। ସୋମବାର ସାରେ ବନାଞ୍ଚଳ ଅଧିକାରୀଙ୍କ କ୍ୱାର୍ଟରରୁ ସୁଶାନ୍ତ ଚିତ୍କାର କରି ବାହାରକୁ ଦୌଡି ଆସି ତଳେ ପଡ଼ି ଚେତାଶୂନ୍ୟ ହୋଇପଡିଥିଲେ।
ଫଳରେ ଅଫିସରେ କାର୍ଯ୍ୟରତ ପାରା ଫରେଷ୍ଟ ଏବଂ ହାତୀ ସ୍କ୍ବାର୍ଡ କର୍ମଚାରୀ ସୁଶାନ୍ତଙ୍କୁ ପାଣି ମାରି ୧୦୮ ଆମ୍ବୁଲାନ୍ସ ଯୋଗେ ତାଙ୍କୁ ଖମାର ମେଡ଼ିକାଲକୁ ଆଣିଥିଲେ। ସେଠାରେ ତାଙ୍କର ଚିକିତ୍ସା କରାଯାଇଥିଲା। ଚିକିତ୍ସା ପରେ ସୁଶାନ୍ତଙ୍କ ସ୍ବାସ୍ଥ୍ୟାବସ୍ତା ସ୍ଥିର ଥିବା ଜଣାପଡିଛି।
ସୁଶାନ୍ତଙ୍କ କହିବା ଅନୁଯାୟୀ, ବନାଞ୍ଚଳ ଅଧିକାରୀ ତାଙ୍କୁ ୨ ଲକ୍ଷ ଟଙ୍କା ଚୋରି କରିଥିବା କହିଥିଲେ। ଟଙ୍କା ଫେରସ୍ତ କହି ତାଙ୍କୁ ନିସ୍ତୁକ ମାଡ଼ମାରି ଛାତିରେ ଗୋଇଠା ମାରି ଜୀବନରୁ ମାରି ଦେବାକୁ ଉଦ୍ୟମ କରିଥିଲେ। ହେଲେ ସେ ଜୀବନ ବିକଳରେ କ୍ୱାର୍ଟର ବାହାରକୁ ଦୌଡି ଆସିଥିଲେ। ଚେତା ଫେରିଲା ବେଳକୁ ମେଡ଼ିକାଲରେ ଥିବା ଜାଣିବାକୁ ପାଇଥିଲେ ବୋଲି ସୁଶାନ୍ତ କହିଛନ୍ତି। ଏହି ସଂକ୍ରାନ୍ତରେ ସୁଶାନ୍ତଙ୍କ ସ୍ତ୍ରୀ ଖମାର ଥାନାରେ ଏକ ଅଭିଯୋଗ କରିଛନ୍ତି। ଅନ୍ୟପଟେ ରେଞ୍ଜର ଅଭିଯୋଗ ମିଛ ଏବଂ ଭତ୍ତିହୀନ ବୋଲି କହିଛନ୍ତି।
