ମେକ୍ସିକୋ ସିଟି,୨୩।୫: ମେକ୍ସିକୋର ନୁଭୋ ଲିଓନ ରାଜ୍ୟର ସାନ ପେଡ୍ରୋ ଗାରଜା ଗାର୍ସିଆ ସହରରେ ଏକ ସିଭିକ ମୁଭମେଣ୍ଟ ବା ନାଗରିକ ଆନ୍ଦୋଳନ ପାର୍ଟି ରାଲିରେ ଏକ ମଞ୍ଚ ଭୁଶୁଡ଼ି ପଡ଼ିବା ଫଳରେ ଅତି କମରେ ୯ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟମାନେ ଆହତ ହୋଇଥିଲେ। ଏହି ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଦଳର ରାଷ୍ଟ୍ରପତି ପ୍ରାର୍ଥୀ ଜର୍ଜ ଆଲବାରେଜ ମେନେଜ ସୋସିଆଲ ମିଡିଆରେ କହିଛନ୍ତି ଯେ ସାନ ପେଡ୍ରୋ ଗାରଜା ଗାର୍ସିଆ ସହରରେ ଅନୁଷ୍ଠିତ ଇଭେଣ୍ଟରେ ମଞ୍ଚ ଏକ ପବନ ଯୋଗୁଁ ଭୁଶୁଡି ପଡିଛି। ଆଲବାରେଜ କହିଛନ୍ତି ଯେ ଚିକିତ୍ସା ପରେ ଆହତମାନେ ବର୍ତ୍ତମାନ ଭଲ ଅଛନ୍ତି। ତେବେ ତାଙ୍କ ଦଳର ଅନେକ ସଦସ୍ୟ ଆହତ ହୋଇଛନ୍ତି।
ବୁଧବାର ସାରେ ସୋସିଆଲ ମିଡିଆରେ ସେୟାର ହୋଇଥିବା ଏକ ଭିଡିଓରେ ନ୍ୟୁଭୋ ଲିଓନ ଗଭର୍ନର ସାମୁଏଲ ଗାର୍ସିଆ ଏହି ଦୁର୍ଘଟଣାର ଉଦାହରଣ ଦେଇଛନ୍ତି ଏବଂ ଉକ୍ତ ଅଞ୍ଚଳରେ ଏକ ପ୍ରବଳ ଟାଇଫୁନ ମଧ୍ୟରେ ବାସିନ୍ଦାଙ୍କୁ ଘର ଭିତରେ ରହିବାକୁ ଚେତାବନୀ ଦେଇଛନ୍ତି।