ଏରସମା,୨୫ା୧(ସ୍ବ.ପ୍ର.): ଏରସମା ବ୍ଲକ ପରିସରରେ ମଙ୍ଗଳବାର ଜିଲାପାଳଙ୍କ ଜନଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଏହି ଅବସରରେ ବହୁ ଅଭିଯୋଗକାରୀଙ୍କ ଭିଡ଼ ଜମିଥିଲା। ଶିବିରରେ ଅଧିକାଂଶ ଅଭିଯୋଗ ଆବାସ ଯୋଜନା ସମ୍ପର୍କିତ ଥିଲା। ଏ ବିଷୟରେ ଅଭିଯୋଗ କରିବା ପାଇଁ ହିତାଧିକାରୀମାନେ ଦୀର୍ଘ ସମୟ ଧରି ଲାଇନ୍ରେ ଠିଆ ହୋଇଥିଲେ। ଏନେଇ ଠେଲାପେଲା ହେବାରୁ ସମସ୍ତଙ୍କୁ ଫର୍ମ ଯୋଗାଇବା ସମ୍ଭବ ହୋଇ ପାରି ନ ଥିଲା। କିଛି ସମୟ ପାଇଁ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଥିଲା ା ଏହାଦ୍ୱାରା ଦାୟିତ୍ୱରେ ଥିବା କର୍ମଚାରୀ ହିତାଧିକାରୀଙ୍କ ନାମ ପଞ୍ଜୀକରଣ କରିପାରି ନ ଥିଲେ ା ଏଥିଯୋଗୁ ଅଭିଯୋଗକାରୀଙ୍କ ନିର୍ଦ୍ଦିଷ୍ଟ ସଂଖ୍ୟା ନିରୂପଣ କରାଯାଇ ପାରିନାହିଁ ବୋଲି ବ୍ଲକ ପ୍ରଶାସନ ପକ୍ଷରୁ ସୂଚନା ମିଳିଛି ା
ଗତ ୧୬ ତାରିଖରେ ପ୍ରଧାନମନ୍ତ୍ରୀ ଅବାସ ଯୋଜନାରେ ମନୋନୀତ ହୋଇଥିବା ଯୋଗ୍ୟ ହିତାଧିକାରୀଙ୍କ ନାମ ତାଲିକା ସର୍ବସାଧାରଣଙ୍କ ଅବଗତି ନିମନ୍ତେ ପ୍ରତି ପଞ୍ଚାୟତରେ ଲଗାଯାଇଥିଲା। ଅଭିଯୋଗ ଥିତ୍ଲେ ୨୪ ତାରିଖ ସୁଦ୍ଧା ଦାଖଲ କରିବାକୁ ହିତାଧିକାରୀମାନଙ୍କୁ କୁହାଯାଇଥିଲା। ତାଲିକାରୁ ବାଦ୍ ପଡ଼ିଥିବା ହିତାଧିକାରୀମାନେ ଅଭିଯୋଗ କରିବା ପାଇଁ ଜିଲାପାଳଙ୍କ ଜନଶୁଣାଣି ଶିବିରରେ ଭିଡ଼ ଜମାଇଥିଲେ। ଶିବିରରେ ଆମ୍ବିକି ପଞ୍ଚାୟତର କିଆଦା (ନଗରୀ) ଗ୍ରାମର ନିବାସ ଫନ୍ଦାକାର,ତପନ ବେରା,ଝାଡେଶ୍ୱର ଗିରୀ,ନିକୁଞ୍ଜ ଗିରି କମଲ ପ୍ରଧାନ ପ୍ରମୁଖ ଅଭିଯୋଗ କରିଥିଲେ ଯେ, ମହାବାତ୍ୟା ସମୟରେ ଏହି ଗ୍ରାମର ୨୬୫ ଜଣ ପ୍ରାଣ ହରାଇଥିଲେ। ସେତେବେଳେ ଏକ ଘରୋଇ କମ୍ପାନୀ ପକ୍ଷରୁ ଯୋଗାଇ ଦିଆଯାଇଥିବା ଗୃହ ନିମ୍ନମାନର ଥିଲା। ଏସବୁ ଗୃହକୁ ଇତିମଧ୍ୟରେ ୨୨ ବର୍ଷ ବିତିଯାଇଥିବାରୁ ସେଗୁଡ଼ିକ ଅସୁରକ୍ଷିତ ହୋଇପଡ଼ିଛି। ଜିଲା ପ୍ରଶାସନ ଏନେଇ ଦୃଷ୍ଟି ଦେବାକୁ ସେମାନେ ଦାବି କରିଥିଲେ। ସେହିପରି ଗଡବିଶୁନିପୁର ପଞ୍ଚାୟତ ଅନ୍ତର୍ଗତ ନଳଭେଡି ଗ୍ରାମର ମେନକା ମଣ୍ଡଳ(୩୧) ଜଣେ ଭିନ୍ନକ୍ଷମ ହୋଇଥିବାବେଳେ ୧୨ ବର୍ଷ ହେବା ମା’ବାପାଙ୍କୁ ହରାଇ ବହୁ କଷ୍ଟରେ ଜୀବନ ଅତିବାହିତ କରୁଛନ୍ତି। ଏଭଳି ପରିସ୍ଥିତିରେ ତାଙ୍କୁ ଆବାସ ଯୋଜନାରୁ ବଞ୍ଚତ୍ତ କରାଯାଇଛି ବୋଲି ସମ୍ପର୍କୀୟ ଭାଇ କାମଦେବ ପ୍ରଧାନ ଅଭିଯୋଗ କରିଛନ୍ତି ା ଶିବିରରେ ଜିଲାପାଳଙ୍କ ପାରୁଲ ପଟୱାରିଙ୍କ ସହ ବିଡିଓ କୈଳାସ ଚନ୍ଦ୍ର ବେହେରା, ତହସିଲଦାର ନବପ୍ରସାଦ ନାୟକ, ତିର୍ତ୍ତୋଲ ଏସ୍ଡିପିଓ ପ୍ରଶାନ୍ତ କୁମାର ମାଝି, ବ୍ଲକ ଅଧ୍ୟକ୍ଷା ଲକ୍ଷ୍ମୀପ୍ରିୟା ମହାପାତ୍ର ଓ ବିଭିନ୍ନ ବିଭାଗୀୟ ଅଧିକାରୀମାନେ ଉପସ୍ଥିତ ଥିଲେ ା