ଇସ୍ରୋର ୯ ବୈଜ୍ଞାନିକଙ୍କୁ ସମ୍ମାନୀତ କଲେ ଷ୍ଟାଲିନ୍‌: ପ୍ରତ୍ୟେକଙ୍କୁ ୨୫ ଲକ୍ଷ ଟଙ୍କା ପୁରସ୍କାର

ଚେନ୍ନାଇ,୩।୧୦: ତାମିଲନାଡୁର ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ ଭାରତୀୟ ମହାକାଶ ଗବେଷଣା ସଂଗଠନ (ଇସ୍ରୋ) ରେ କାର୍ଯ୍ୟ କରୁଥିବା ରାଜ୍ୟର ନଅ ଜଣ ବୈଜ୍ଞାନିକଙ୍କୁ ସମ୍ମାନିତ କରିଛନ୍ତି ଏବଂ ପ୍ରତ୍ୟେକଙ୍କୁ ୨୫ ଲକ୍ଷ ଟଙ୍କା ପୁରସ୍କାର ଘୋଷଣା କରିଛନ୍ତି। ଏହି ବୈଜ୍ଞାନିକମାନଙ୍କ ସମ୍ମାନାର୍ଥେ ସେ ଏକ ବୃତ୍ତି ଯୋଜନା ମଧ୍ୟ ଆରମ୍ଭ କରିଥିଲେ। ତାମିଲନାଡୁ ସରକାରଙ୍କ ଦ୍ୱାରା ସମ୍ମାନିତ ବୈଜ୍ଞାନିକମାନଙ୍କ ମଧ୍ୟରେ ପୂର୍ବତନ ଇସ୍ରୋ ଅଧ୍ୟକ୍ଷ କେ ସିଭନ, ମାୟିଲସାମି ଅନ୍ନାଦୁରାଇ, ଭି ନାରାୟଣନ, ତିରୁ ଏ ରାଜରାଜନ, ଏମ ସଙ୍କରନ, ଜେ ଆସିର ପ୍ୟାକିଆରାଜ, ଏମ ଭାନିଥା, ନିଗର ଶାଜି ଏବଂ ଭେରାମୁଥୁଭେଲ ସାମିଲ ଅଛନ୍ତି।
ବୈଜ୍ଞାନିକମାନଙ୍କ ଅପାର ପ୍ରତିଭା ତଥା ସଫଳତାକୁ ଚିହ୍ନି ସିଏମ ଷ୍ଟାଲିନ ଏକ୍ସରେ ଲେଖିଛନ୍ତି, ଏହି ଦୂରଦୃଷ୍ଟି ସମ୍ପନ୍ନ ବୈଜ୍ଞାନିକମାନଙ୍କ ନାମରେ ଛାତ୍ରବୃତ୍ତି ଘୋଷଣା କରିବା ଅତ୍ୟନ୍ତ ଆନନ୍ଦଦାୟକ। ଭାରତୀୟ ମହାକାଶ ଗବେଷଣା ଇତିହାସରେ ସେମାନଙ୍କର ଅବିଶ୍ୱାସନୀୟ ଅବଦାନ ରହିଛି। ଏହି ଘଟଣା ସାମାଜିକ ନ୍ୟାୟର ଏକ ଉଦାହରଣ, କାରଣ ସେମାନଙ୍କ ମଧ୍ୟରୁ ଅଧିକାଂଶ ସାଧାରଣ ପୃଷ୍ଠଭୂମିରୁ ଆସି ସରକାରୀ ବିଦ୍ୟାଳୟରେ ଅଧ୍ୟୟନ କରିଛନ୍ତି। ଏଥିରେ ସାମିଲ ଦୁଇ ମହିଳା ମଧ୍ୟ ଆମ ସମସ୍ତଙ୍କୁ ପ୍ରେରଣା ଦିଅନ୍ତି।