ଚେନ୍ନାଇ, ୧୪ା୧୦: ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ହତ୍ୟା ମାମଲାରେ ଦୋଷୀ ସାବ୍ୟସ୍ତ ହୋଇ ଆଜୀବନ ଦଣ୍ଡାଦେଶ ଭୋଗୁଥିବା ୨ ଜଣ ବନ୍ଦୀଙ୍କ ପିଟିଶନକୁ ତାମିଲନାଡ଼ୁର ଡିଏମ୍କେ ସରକାର ସମର୍ଥନ କରିଛନ୍ତି। ଦୋଷୀ ଏସ୍. ନଳିନୀ ଏବଂ ଆର୍. ପି. ରାମଚନ୍ଦ୍ରନ୍ଙ୍କ ପକ୍ଷରୁ ଦାଖଲ ଦୁଇଟି ପୃଥକ ଆବେଦନର ଜବାବରେ ରାଜ୍ୟ ସରକାର କହିଛନ୍ତି, ସମ୍ବିଧାନର ଅନୁଚ୍ଛେଦ ୧୬୧ ଅନୁସାରେ ମନ୍ତ୍ରୀ ପରିଷଦର ପରାମର୍ଶ ମାନିବାକୁ ରାଜ୍ୟପାଳ ବାଧ୍ୟ। ଦୋଷୀଙ୍କ ଆଗୁଆ ମୁକ୍ତି ପାଇଁ ରାଜ୍ୟପାଳଙ୍କ ନିକଟକୁ ୨୦୧୮ ସେପ୍ଟେମ୍ବର ୧୧ରେ ସୁପାରିସ କରାଯାଇଥିଲା। ରାଜ୍ୟପାଳ ଏହା ଉପରେ ୨ ବର୍ଷ ଧରି କିଛି ନିଷ୍ପତ୍ତି ନେଇ ନ ଥିଲେ। ୨୦୨୧ ଜାନୁୟାରୀ ୨୭ରେ ଫାଇଲକୁ ରାଷ୍ଟ୍ରପତିଙ୍କ ନିକଟକୁ ପଠାଇଦେଇଥିଲେ। ସେବେଠୁ ଏହି ପ୍ରସଙ୍ଗ ଅମୀମାଂସିତ ହୋଇ ରହିଛି। ସେପ୍ଟେମ୍ବର ୨୬ରେ ରାଜୀବ ହତ୍ୟାକାଣ୍ଡର ଦୁଇ ଦୋଷୀ ନଳିନୀ, ରବିଚନ୍ଦ୍ରନ୍ଙ୍କ ଆବେଦନ ଉପରେ ସୁପ୍ରିମକୋର୍ଟ କେନ୍ଦ୍ର ଓ ମୁଖ୍ୟମନ୍ତ୍ରୀ ଏମ୍. କେ. ଷ୍ଟାଲିନ୍ଙ୍କ ନେତୃତ୍ୱାଧୀନ ତାମିଲନାଡ଼ୁ ସରକାରଙ୍କୁ ନୋଟିସ୍ କରିଥିଲେ।