ଭୁବନେଶ୍ୱର, ୨୫।୧୨: ରାଜ୍ୟର ଅଗ୍ରଣୀ ଘରୋଇ ସଂସ୍ଥା ତଥା ଷ୍ଟଲ୍ଓ୍ବାର୍ଟ ପ୍ରୋଜେକ୍ଟସ ପ୍ରାଇଭେଟ ଲିମିଟେଡ(ଏସ୍ପିପିଏଲ୍)ର ବହୁ ପ୍ରତୀକ୍ଷିତ ତଥା ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ହୋଟେଲ ‘ଷ୍ଟଲଓ୍ବାର୍ଟ ଯଯାତି’ ରବିବାର ଆନୁଷ୍ଠାନିକ ଭାବେ ଉଦ୍ଘାଟିତ ହୋଇଯାଇଛି। ଏହି ପରିପ୍ରେକ୍ଷୀରେ ଏସ୍ପିପିଏଲ୍ର ନିର୍ଦ୍ଦେଶିକା ରୁକ୍ମିଣୀ ବେହେରା ମୁଖ୍ୟ ଅତିଥି ଭାବେ ଯୋଗଦେଇ ଏହାକୁ ଉଦ୍ଘାଟନ କରିଥିଲେ। ଉଲ୍ଲେଖଯୋଗ୍ୟ, ୩ ମହଲା ବିଶିଷ୍ଟ ଏହି ହୋଟେଲରେ ମୋଟ ୪୦ଟି ବିଳାସପୂର୍ଣ୍ଣ ରୁମ୍ ସହିତ ୨ଟି ବ୍ୟାକ୍ୱେଟ ହଲ୍ ଓ ୬ଟି ସୁଟ୍ ବ୍ୟତୀତ ବ୍ରାଇଡ, ଗ୍ରୁମର ରୁମ୍ ମଧ୍ୟ ଅଲଗା ଅଲଗା ହୋଇ ରହିଛି।
ଏ ସମ୍ପର୍କରେ ଏସ୍ପିପିଏଲ୍ସ ସିଏମ୍ଡି ଶରତ କୁମାର ସାହୁ କହିଛନ୍ତି, ମାଷ୍ଟର କ୍ୟାଣ୍ଟିନଠାରେ ଥିବା ଯଯାତି ହୋଟେଲ ବର୍ତ୍ତମାନ ନୂଆ ରୂପରେ ‘ଷ୍ଟଲଓ୍ବାର୍ଟ ଯଯାତି’ ଭାବେ ନବୀକରଣ ହୋଇଛି। ବିଶେଷ କରି ସହରବାସୀଙ୍କ ଆବଶ୍ୟକତା ପୂରଣ ସହିତ ସବୁ ବର୍ଗର ଗ୍ରାହକଙ୍କୁ ଗୁଣାତ୍ମକ ସେବା ଓ ସେବା ସୁଲଭ ମୂଲ୍ୟରେ ଯୋଗାଇବା ଆମର ମୂଳ ଲକ୍ଷ୍ୟ ହୋଇଥିବାବେଳେ ଭୁବନେଶ୍ୱରର ସମସ୍ତ ହୋଟେଲଠାରୁ ଏହା ବେଶ୍ ଆକର୍ଷଣୀୟ ଓ ବିଭିନ୍ନ ପ୍ରକାର ସେବା ସଭା, ବିଭାଘର, ବ୍ରତଘର ଓ ମନୋରଞ୍ଜନ ସହିତ କ୍ରୀଡାର ସୁବିଧା ଉପଲବ୍ଧ।