ସାନ ସାଲଭାଡୋର,୨୧।୫ : , ଏଲ ସାଲଭାଡୋରରେ ଏକ ଫୁଟବଲ ମ୍ୟାଚ ଦେଖିବା ପାଇଁ ପ୍ରବେଶ ପଥରେ ହୋଇଥିବା ଦଳାଚକଟାରେ ୧୨ ଜଣଙ୍କର ମୃତ୍ୟୁ ଘଟିଥିବା ବେଳେ୧୦୦ ରୁ ଅଧିକ ଆହତ ହୋଇଛନ୍ତି । ୫୦୦ ଲୋକଙ୍କୁ ସୁରକ୍ଷିତ ଭାବେ ସେଠାରୁ ସ୍ଥାନାନ୍ତର କରାଯାଇଛି।
ବାସ୍ତବରେ, ଏହି ଘଟଣା ଘଟିଥିଲା ଯେତେବେଳେ ଅନେକ ଲୋକ ପ୍ରବେଶ ଦ୍ୱାର ବନ୍ଦ ହେବା ପରେ ଷ୍ଟାଡିୟମରେ ପ୍ରବେଶ କରିବାକୁ ଚେଷ୍ଟା କରୁଥିଲେ। ଏହି ପରିପ୍ରେକ୍ଷୀରେ ଫୁଟେଜ ରିଲିଜ ହୋଇଛି ଯେଉଁଥିରେ ଅନେକ ଲୋକ ପ୍ରବେଶ ଦ୍ୱାରରୁ ବ୍ୟାରିକେଡ ହଟାଉଥିବାର ନଜର ଆସିଛନ୍ତି। ମ୍ୟାଚର ୧୬ ମିନିଟ ପରେ ଏହି ଘଟଣା ଘଟିଥିଲା, ଯାହା ପରେ ଖେଳକୁ ବନ୍ଦ କରାଯାଇଥିଲା ।
ଶନିବାର କସ୍କାଟଲାନ ଷ୍ଟାଡିୟମରେ ଆଲିଆଞ୍ଜା ଏଫସି ଏବଂ କ୍ଲବ ଡିପୋର୍ଟିଭୋ ଏଫଏସ ମଧ୍ୟରେ ମ୍ୟାଚ ଅନୁଷ୍ଠିତ ହୋଇଥିଲା। ମାତ୍ର ଦଳାଚକଟା ପରେ ଖେଳକୁ ସ୍ଥଗିତ ରଖାଯାଇଥିଲା। ଏହା ମଧ୍ୟ ଆମେରିକାର ସବୁଠାରୁ ବଡ ଷ୍ଟାଡିୟମ ମଧ୍ୟରୁ ଗୋଟିଏ । ଏହାର କ୍ଷମତା ୪୪ ହଜାରରୁ ଅଧିକ।
ସାଲଭାଡୋରାନ ଫୁଟବଲ ଫେଡେରେଶନ ଷ୍ଟାଡିୟମରେ ଘଟିଥିବା ଘଟଣାକୁ ନେଇ ଦୁଃଖ ପ୍ରକାଶ କରିଛି। ଫେଡେରେଶନ କହିଛି ସେମାନେ ଏହି ଘଟଣାର ରିପୋର୍ଟ ମାଗିଛନ୍ତି। କ୍ରୀଡା ସ୍ଥାନଗୁଡିକର ସୁରକ୍ଷା ଆୟୋଗ ସହିତ ଏକ ବୈଠକ ଡକାଯିବ। ଏଲ ସାଲଭାଡୋରର ରାଷ୍ଟ୍ରପତି ନୟିବ ବୁକେଲେ କହିଛନ୍ତି । ଷ୍ଟାଡିୟମରେ ଘଟିଥିବା ଘଟଣାର ପୁଙ୍ଖାନୁପୁଙ୍ଖ ଅନୁସନ୍ଧାନ ଜାତୀୟ ନାଗରିକ ପୋଲିସ ଏବଂ ଆଟର୍ନି ଜେନେରାଲ କାର୍ଯ୍ୟାଳୟ କରିବେ । ଟିମ, ମ୍ୟାନେଜର, ଷ୍ଟାଡିୟମ, ଲିଗ, ଫେଡେରେଶନ ପକ୍ଷରୁ ସମସ୍ତ ଅନୁସନ୍ଧାନ କରାଯିବ । ଯିଏ ଦୋଷୀ, ସେମାନେ ରକ୍ଷା ପାଇବେ ନାହିଁ ବୋଲି ଫେଡେରେଶନ କହିଛି।
