![](https://www.dharitri.com/wp-content/uploads/2024/05/vb-3.jpg)
ମାଲକାନଗିରି,୧୩।୫(ଦୁର୍ଯ୍ୟୋଧନ ପାତ୍ର): ମାଲକାନଗିରି ପୌରପରିଷଦ କୁମୁଟିଗୁଡା ଭୋଟ କେନ୍ଦ୍ରରେ ମାଲକାନଗିରି ଜିଲାପାଳ ସଚିନ ପାୱାର ଆଜି ଦୀର୍ଘ ସମୟ ଧାଡିରେ ଠିଆହୋଇ ମତଦାନ କରିଥିବା ଦେଖିବାକୁ ମିଳିଛି। ଏହି ବୁଥରେ ସକାଳ ୭ଟାରେ ମତଦାନ ପାଇଁ ସମୟ ନିର୍ଘଣ୍ଟ କରାଯାଇଥିବାବେଳେ ଇଭିଏସ୍ ମେଶିନ ତ୍ରୁଟି ପାଇଁ ୩୦ ମିନିଟ ମତଦାନ ରେ ବିଳମ୍ବ ହୋଇଥିଲା। ଅନେକ ପଦାଧିକାରୀ ଓ କର୍ମଚାରୀମାନେ ଜିଲାପାଳଙ୍କୁ ଭୋଟ ଦେବାପାଇଁ ଡାକିଥିଲେ ମଧ୍ୟ ମୁଁ ଲାଇନରେ ରହି ମୋ ସମୟ ଆସିବା ପ୍ରଯ୍ୟନ୍ତ ରହି ଭୋଟ ଦେବା କଥା କହିଥିଲେ। ଜିଲାପାଳଙ୍କ ଏପରି ନିୟମକୁ ସାଧାରଣରେ ପ୍ରଶଂସା କରାଯାଉଛି।