ଭୁବନେଶ୍ୱର,୧୨ା୧୧: ରାଜ୍ୟର ପ୍ରମୁଖ ମନୋରଞ୍ଜନଭିତ୍ତିକ ଘରୋଇ ଓଡ଼ିଆ ଚ୍ୟାନେଲ ଷ୍ଟାର୍ କିରଣ ଚଳିତ ବର୍ଷ କଟକ ବାଲିଯାତ୍ରାରେ ଅଂଶ ଗ୍ରହଣ କରିଛି। ଏପରିକି ବାଲିଯାତ୍ରର ତଳ ପଡିଆରେ ଚ୍ୟାନେଲର ଏକ ଆକର୍ଷଣୀୟ ମଣ୍ଡପ ନିକଟରେ ଉଦ୍ଘାଟିତ ହୋଇଯାଇଛି। ଏହି ଅବସରରେ ଷ୍ଟାର୍ ଜଲସା ଓ ଷ୍ଟାର୍ କିରଣର ବ୍ୟବସାୟିକ ମୁଖ୍ୟ ଅଭିଷେକ ମଣ୍ଡଳ ସମ୍ମାନିତ ଅତିଥି ଭାବେ ଯୋଗଦେଇ ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ଉଭୟ କମ୍ପାନୀ ଓ ଚ୍ୟାନେଲର ବହୁ ବରିଷ୍ଠ ଅଧିକାରୀ ଓ ଅନ୍ୟମାନେ ଉପସ୍ଥିତ ଥିଲେ। ଏହି ପରିପ୍ରେକ୍ଷୀରେ ବାଲିଯାତ୍ରାର ତଳ ପଡିଆରେ ଷ୍ଟାର୍ କିରଣର ଷ୍ଟଲ୍ ପ୍ଲଟ୍ ନମ୍ବର ଏଲ୍ପି-୧୮, ୧୯, ୨୦ ରେ ଲୋକମାନଙ୍କ ଭିଡ ଜମୁଛି। ଲୋକଙ୍କ ମନୋରଞ୍ଜନ ପାଇଁ ପ୍ରତ୍ୟେକ ସାରେ ଷ୍ଟାର୍ କିରଣ ଷ୍ଟଲରେ ରଙ୍ଗାରଙ୍ଗ କାର୍ଯ୍ୟକ୍ରମ ମଧ୍ୟ ଅନୁଷ୍ଠିତ ହେଉଛି। ସେହିଭଳି ଷ୍ଟାର୍ କିରଣ ଷ୍ଟଲରେ ପ୍ରସାରିତ ହେଉଥିବା ରଙ୍ଗାରଙ୍ଗ କାର୍ଯ୍ୟକ୍ରମରେ ଭାଗନେଇ ଦର୍ଶକ ଆକର୍ଷଣୀୟ ପୁରସ୍କାର ସାଙ୍ଗକୁ ଷ୍ଟାର୍ କିରଣରେ ପ୍ରସାରିତ ହେଉଥିବା ଧାରାବାହିକର କଳାକାରମାନଙ୍କ ସହ ମିଶିପାରିବେ ବୋଲି ଚ୍ୟାନେଲ୍ ପକ୍ଷରୁ କୁହାଯାଇଛି। ଅପରପକ୍ଷରେ ପ୍ରଥମଥର ପାଇଁ ବାଲିଯାତ୍ରାରେ ଷ୍ଟାର୍ କିରଣ ଷ୍ଟଲରେ ଏକ ୩୬୦ ଡିଗ୍ରୀ ବୁଲିପାରୁଥିବା ସେଲ୍ଫି ବୁଥ୍ ଲଗାଯାଇଛି।