ଭୁବନେଶ୍ୱର, ୯।୮(ବ୍ୟୁରୋ): ଜାତୀୟସ୍ତରୀୟ ପ୍ରତିଯୋଗିତା ‘ଷ୍ଟାର୍ ମିଷ୍ଟର ଆଣ୍ଡ୍ ମିସ୍ ଟିନ୍ ଇଣ୍ଡିଆ’ରେ ପ୍ରତିଭା ପ୍ରଦର୍ଶନ କରି ଟାଇଟଲ୍ ହାସଲ କରିଛନ୍ତି ଭୁବନେଶ୍ୱରର ଝିଅ ଆୟତୀ ପଟ୍ଟନାୟକ। ନୂଆଦିଲ୍ଲୀର ଷ୍ଟାର୍ ଏଣ୍ଟରଟେନ୍ମେଣ୍ଟ ପ୍ରଡକ୍ସନ ପକ୍ଷରୁ ନିକଟରେ ରାଜସ୍ଥାନର ଜୟପୁର ସହରରେ ଆୟୋଜିତ ଏହି ପ୍ରତିଯୋଗିତାରେ ସେ ‘ଷ୍ଟାର ମିସ୍ କନ୍ଫିଡେଣ୍ଟ’ ହୋଇଛନ୍ତି। ନୀଳକଣ୍ଠ ପଟ୍ଟନାୟକ ଓ ନିହାରିକା ପଟ୍ଟନାୟକଙ୍କ ୧୪ବର୍ଷିୟା ଝିଅ ଆୟତୀ ଏଥ୍ନିକ୍, ଟ୍ୟାଲେଣ୍ଟ ଓ ରିଜିଓନାଲ୍ ରାଉଣ୍ଡରେ ଭଲ ପ୍ରଦର୍ଶନ କରି ଓଡ଼ିଶା ପାଇଁ ଏହି ଗୌରବ ଆଣିିଛନ୍ତି।
ଜୁଲାଇ ୨୮ରୁ ଅଗଷ୍ଟ ୧ ପର୍ଯ୍ୟନ୍ତ ଆୟୋଜିତ ପ୍ରତିଯୋଗିତାରେ ଭାରତର ବିଭିନ୍ନ ରାଜ୍ୟରୁ ୭୪ଜଣ ପ୍ରତିଯୋଗୀ ଅଂଶ ଗ୍ରହଣ କରିଥିଲେ। ରାମ୍ପ୍ ଓ୍ବାକ୍, ଟ୍ୟାଲେଣ୍ଟ ରାଉଣ୍ଡ, ପର୍ସନାଲ ଇଣ୍ଟରଡକ୍ସନ, ପ୍ରଶ୍ନୋଉତ୍ତର ଭଳି ବିଭିନ୍ନ ପର୍ଯ୍ୟାୟ ରହିଥିଲା। ଜାନୁୟାରୀ ମାସରେ ଓଡ଼ିଶାରେ ଏହାର ଅଡିଶନ ହୋଇଥିଲା। ସେଥିରେ ୫୦ଜଣ ପ୍ରତିଯୋଗୀ ଅଂଶ ଗ୍ରହଣ କରିଥିବାବେଳେ ୫ଜଣ ଜାତୀୟ ପ୍ରତିଯୋଗିତାକୁ ମନୋନୀତ ହୋଇଥିଲେ।