କେସିଙ୍ଗା,୧୫.୩(ତୁମେଶର ସାହୁ): ରାଜ୍ୟ ପ୍ରଦେଶ କଂଗ୍ରେସ କମିଟିର ସଭାପତି ଭକ୍ତ ଚରଣ ଦାଶ ସଭାପତି ଭାବେ ଦାୟିତ୍ୱ ନେବା ପରେ ପ୍ରଥମ ଥର ଭୁବନେଶ୍ୱରରୁ ଏକ ଏରୋପ୍ଲେନରେ ଆସି କେସିଙ୍ଗା ବ୍ଲକ ଉତକେଲା ସ୍ଥିତ ଏରୋପ୍ଲେନ ପଡିଆରେ ଶନିବାର ଅବତରଣ କରିଛନ୍ତି। ତାଙ୍କୁ ସ୍ବାଗତ କରିବା ପାଇଁ ଜିଲାରୁ ହଜାର ହାଜର ସଂଖ୍ୟାରେ କର୍ମକର୍ତ୍ତାମାନେ ପହଞ୍ଚି ପୁଷ୍ପଗୁଚ୍ଛ ଓ ହୋଲି ରଙ୍ଗରେ ଭବ୍ୟ ସ୍ବାଗତ ସମ୍ବର୍ଦ୍ଧନା କରିଛନ୍ତି। ଦାଶ କର୍ମୀମାନଙ୍କୁ ପବିତ୍ର ହୋଲି ଉତ୍ସବ ଦିନ ଠାରୁ ରାତିଦିନ ପରିଶ୍ରମ କରି କଂଗ୍ରେସ ଦଳକୁ ମଜଭୁତ କରିବାପାଇଁ ଶପଥ କରାଇଥିଲେ। ଆଗାମୀ ନିର୍ବାଚନରେ କଂଗ୍ରେସର ବିଜୟ କରିବା ପାଇଁ କର୍ମୀଙ୍କୁ ଉଦବୋଧନ ଦେଇଥିଲେ।
ପରେ ଏକ ମୋଟର ସାଇକେଲରେ ଦ୍ୱାର ଉତକେଲା ଏରୋପ୍ଲେନ ଫିଲଡ଼ରୁ ଏକ ମୋଟର ସାଇକେଲରେ ରାଲି କରି ନିଜ ଜନ୍ମ ମାଟି ଭବାନୀପାଟଣା ଅଭିମୁଖେ ଯାତ୍ରା କରିଥିଲେ। ଭବାନୀପାଟଣାରେ ମଧ୍ୟ ହଜାର ହଜାର ଲୋକ ଭକ୍ତଙ୍କୁ ସ୍ବାଗତ କରିଥିଲେ। ଜିଲା ସଭାପତି ଭାରତ ବିମାଲଙ୍କ ସମେତ କେସିଙ୍ଗା ବ୍ଲକରୁ ପୂର୍ବତନ ନଗରପାଳ ରାମ କୁମାର ଜୈନ, କଳାହାଣ୍ଡି ରେଳ ଯାତ୍ରୀ ସଙ୍ଘର ସଭାପତି ସୁଭାସ ଚନ୍ଦ୍ର ଜୈନ, ପୂର୍ବନତ ନଗର ପାଳ ରାମଜି ମାତଖଣ୍ଡିଆ,ପୂର୍ବତନ ବ୍ଲକ ଅଧ୍ୟକ୍ଷ ରାମଲାଲ ସୁନାନୀ,ବିନୋଦ ଜୈନ ପ୍ରମୁଖ ଏଥିରେ ସାମିଲ ହୋଇଥିଲେ।
