ଦୁନିଆର ପ୍ରତ୍ୟେକ ଜିନିଷର ଏକ ପରିଚୟ ରହିଥାଏ। ସେ ବ୍ୟକ୍ତି ହୁଅନ୍ତୁ କି ସ୍ଥାନ। ଯଦି କେହି କୌଣସି ସ୍ଥାନକୁ ଯାଆନ୍ତି, ତେବେ ଏହାର ନିଜସ୍ବ ନାମ ରହିଥାଏ। ଭାରତର ପ୍ରତ୍ୟେକ ସ୍ଥାନର ନାମ ଅଛି। ସେ ଗାଁ ହେଉ କିମ୍ବା ସହର। ଯଦି କେହି କୌଣସି ସ୍ଥାନକୁ ଯାଆନ୍ତି, ସେ ଅନ୍ୟ ଲୋକଙ୍କୁ ସେହି ସ୍ଥାନ ବିଷୟରେ ସୂଚନା ଦିଅନ୍ତି। ଯଦି ଆପଣ ଟ୍ରେନରେ ଯାତ୍ରା କରୁଛନ୍ତି, ତେବେ କେଉଁ ଷ୍ଟେଶନରୁ ଚଢ଼ିଲେ ଏବଂ କେଉଁଠି ଓହ୍ଲାଇଲେ ସେ ବିଷୟରେ ସୂଚନା କାହାକୁ ଦେଇଥାନ୍ତି ବା ନିଜେ ଜାଣିଥାନ୍ତି।
କିନ୍ତୁ ଭାରତରେ ଏପରି ଏକ ଷ୍ଟେଶନ ଅଛି, ଯାହାର ନାମ ନାହିଁ। ପଶ୍ଚିମବଙ୍ଗର ବର୍ଦ୍ଧମାନରେ ଏପରି ଏକ ଷ୍ଟେଶନ ଅଛି। ବିଶ୍ୱରେ ରେଳ ନେଟଓ୍ବାର୍କ ଦୃଷ୍ଟିରୁ ଭାରତ ଚତୁର୍ଥ ସ୍ଥାନରେ ରହିଛି। ଏହି ଷ୍ଟେଶନ ସହରଠାରୁ ୩୫ କିଲୋମିଟର ଦୂରରେ ଥିବା ରୈନା ନାମକ ଏକ ଗାଁରେ ଆରମ୍ଭ ହୋଇଥିଲା। ୨୦୦୮ରେ ଏହା ନିର୍ମିତ ହୋଇଥିଲା। ସେବେଠାରୁ ଏହାର କୌଣସି ନାମ ହିଁ ନାହିଁ।
ଏହି ଷ୍ଟେଶନ ନିର୍ମାଣ ପରେ ନାମକରଣ ହୋଇ ନ ଥିଲା। ଏହାର କାରଣ ହେଲା ଦୁଇ ଗାଁ ମଧ୍ୟରେ ମତଭେଦ ଚାଲିଥିଲା। ରୈନା ଏବଂ ରୈନାନଗର ମଧ୍ୟରେ ପାର୍ଥକ୍ୟ ଦୀର୍ଘ ଦିନ ଧରି ଚାଲିଆସୁଛି। ଏହି ଷ୍ଟେଶନ ରୈନା ଗାଁର ଜମିରେ ଥିଲା। କିନ୍ତୁ ଏହାର ନାମ ହେଲା ରୈନା। ଏହି କାରଣରୁ ଉଭୟ ଗାଁ ମଧ୍ୟରେ ବିବାଦ ଦେଖାଦେଇଥିଲା। ପରେ ରେଳ ଷ୍ଟେଶନରେ ଥିବା ନେମ୍ବୋର୍ଡକୁ ହଟାଇ ଦିଆଯାଇଥିଲା। ସେବେଠାରୁ ବର୍ତ୍ତମାନ ପର୍ଯ୍ୟନ୍ତ ଏହି ଷ୍ଟେଶନର କୌଣସି ନାମ ନାହିଁ। ତଥାପିି ଏହି ଷ୍ଟେଶନର ଟିକେଟ ରୈନାନଗର ନାମରେ କଟାଯାଇଥାଏ