କୋଲକାତା,୩।୧୦ : କୋଲକାତାର ଦୁର୍ଗା ପୂଜାରେ ଏକ ପେଣ୍ଡାଲର ମେଢ଼ରେ ମହିଷାସୁର ପରିବର୍ତ୍ତେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିକୁ ନେଇ ବିବାଦ ସୃଷ୍ଟି ହୋଇଛି। କୁହାଯାଉଛି ଯେ ଦକ୍ଷିଣ-ପଶ୍ଚିମ କୋଲକାତାର ରୁବି କ୍ରସିଂ ନିକଟରେ ରବିବାର ଜାତିର ପିତାଙ୍କ ଜନ୍ମ ବାର୍ଷିକୀରେ ଏହି ପ୍ରତିମୂର୍ତ୍ତିକୁ ସାର୍ବଜନୀନ କରାଯାଇଛି। ଏ ସମ୍ପର୍କରେ ପୋଲିସ ଷ୍ଟେଶନରେ ଅଭିଯୋଗ କରାଯାଇଥିଲା।
ଅଖିଳ ଭାରତୀୟ ହିନ୍ଦୁ ମହାସଭା ପୂଜାର ଆୟୋଜକମାନେ ଅଭିଯୋଗ ହେବା ପରେ ଗାନ୍ଧୀଙ୍କ ପରି ଦେଖାଯାଉଥିବା ମୂର୍ତ୍ତିକୁ ବଦଳାଇ ଦେଇଛନ୍ତି। ପୋଲିସ ବିଭାଗର ନିର୍ଦ୍ଦେଶ ପରେ ଏହି ପରିବର୍ତ୍ତନ କରାଯାଇଛି। ଆୟୋଜକମାନେ କହିଛନ୍ତି ଯେ ମୂର୍ତ୍ତିିରେ ଥିବା ସମାନତା କେବଳ ଏକ ସଂଯୋଗ। ଜାଣିଶୁଣି ଏଭଳି କରାଯାଇ ନାହିଁ।
ଜଣେ ଗଣମାଧ୍ୟମ ପ୍ରତିନିଧି ଏନେଇ କୋଲକାତା ପୋଲିସକୁ ଟ୍ୟାଗ କରୁଥିବା ଏହି ମେଢ଼ର ଫଟୋ ଟୁଇଟ କରିଥିଲେ। ତେବେ ଉତ୍ସବରେ ଉତ୍ତେଜନା ସୃଷ୍ଟି କରିବା ଆଶଙ୍କା କରି ପୋଲିସ ନିର୍ଦ୍ଦେଶ ଅନୁସାରେ ସେ ସୋସିଆଲ ମିଡିଆରୁ ଏହି ପୋଷ୍ଟକୁ ହଟାଇ ଦେଇଛନ୍ତି। ପୂଜା ଆୟୋଜକମାନେ କାହାର ଭାବନାକୁ ଆଘାତ କରିବାକୁ ଚାହୁଁନାହାଁନ୍ତି ବୋଲି କହିଛନ୍ତି।
ସେମାନେ କହିଛନ୍ତି ଯେ ପୋଲିସ ଆମକୁ ଏହାକୁ ପରିବର୍ତ୍ତନ କରିବାକୁ କହିଥିଲେ ଏବଂ ଆମେ ଏହାକୁ ଗ୍ରହଣ କରିଥିଲୁ।
