ବର୍ତ୍ତମାନର ପରିବର୍ତ୍ତିତ ଲାଇଫ୍ଷ୍ଟାଇଲ୍ ଏବଂ କାର୍ଯ୍ୟବ୍ୟସ୍ତତା ଅନେକଙ୍କଠାରେ ବିଭିନ୍ନ ସ୍ବାସ୍ଥ୍ୟ ସମସ୍ୟାର କାରଣ ସାଜୁଛି। ତେଣୁ ଫିଟ୍ ରହିବା ଲାଗି ଅଳ୍ପ ବୟସରୁ ହିଁ କେତେକ କଥା ପ୍ରତି ଯନତ୍ଶୀଳ ହେବା
ଆବଶ୍ୟକ। ଜାଣିରଖନ୍ତୁ
ସେ ସମ୍ପର୍କରେ …
ବର୍ତ୍ତମାନ ଅଧିକାଂଶଙ୍କଠାରେ ଶାରୀରିକ ପରିଶ୍ରମ ଅଭାବରୁ ଶରୀରର ଓଜନ ଏବଂ ମେଦବହୁଳତା ବଢୁଛି, ଯାହାକି ବିଭିନ୍ନ ସ୍ବାସ୍ଥ୍ୟ ସମସ୍ୟାର ମୂଳ କାରଣ। ତେଣୁ ଏହାକୁ ନିୟନ୍ତ୍ରଣ କରିବା ଲାଗି ଦିନକୁ ଅତି କମ୍ରେ ୩୦ମିନିଟ୍ ଶାରୀରିକ ବ୍ୟାୟାମ ନିହାତି କରିବା ଆବଶ୍ୟକ। ଏହାଦ୍ବାରା ଶରୀରରେ ରକ୍ତ ସଞ୍ଚାଳନ ଠିକ୍ ଭାବେ ହୋଇଥାଏ, ମାଂସପେଶୀ ମଜଭୁତ ହୋଇଥାଏ ଏବଂ ରୋଗ ପ୍ରତିରୋଧକ ଶକ୍ତି ବଢ଼ିଥାଏ।
ଶ୍ୱାସକ୍ରିୟା ଠିକ୍ ରଖିବା, ହୃତ୍ପିଣ୍ଡକୁ ମଜଭୁତ କରିବା ଲାଗି ୧୦ ମିନିଟ୍ ବ୍ରିଦିଂ ଏକ୍ସରସାଇଜ୍ କରନ୍ତୁ (ସକାଳେ ୫ମି. ଏବଂ ସନ୍ଧ୍ୟାରେ ୫ମି.)।
ଦୈନିକ ୧୦-୧୫ ଗ୍ଲାସ ପାଣି ପିଅନ୍ତୁ।
ଚା କିମ୍ବା କଫି ପିଇବା ଯଥାସମ୍ଭବ କମ୍ କରନ୍ତୁ। ନିହାତି ଏସବୁ ପିଇବାର ଅଭ୍ୟାସ ଥିଲେ ଏହା ବଦଳରେ ଗ୍ରୀନ୍ ଟି ପିଇବା ବେଶ୍ ଉପକାରୀ।
ଶର୍କରାଯୁକ୍ତ ଖାଦ୍ୟ ବା ମିଠା ଖାଦ୍ୟ ଯଥାସମ୍ଭବ କମ୍ ଖାଆନ୍ତୁ। ଏହା ପରିବର୍ତ୍ତେ ପ୍ରୋଟିନ୍ଯୁକ୍ତ ଖାଦ୍ୟ ଖାଆନ୍ତୁ।
ଯଥାସମ୍ଭବ ଫ୍ୟାଟ୍ ବା ଚର୍ବିଯୁକ୍ତ ଖାଦ୍ୟ ପରିବର୍ତ୍ତେ ଫାଇବର, କାର୍ବୋହାଇଡ୍ରେଟ୍ଯୁକ୍ତ ଖାଦ୍ୟକୁ ଖାଦ୍ୟ ତାଲିକାରେ ସାମିଲ କରନ୍ତୁ।
କାମର ଚାପ, ମାନସିକ ଅବସାଦ ଆଦି ଥିଲେ ନିଜକୁ ସେଥିରୁ ମୁକୁଳାଇବା ଲାଗି ମନ ପସନ୍ଦର ମ୍ୟୁଜିକ୍ ଶୁଣନ୍ତୁ, ବହି ପଢ଼ନ୍ତୁ, ଫିଲ୍ମ ଦେଖନ୍ତୁ। କାରଣ ମନ ଖୁସି ରହିଲେ ଶରୀର ସୁସ୍ଥ ରହିଥାଏ।