ପୁରୁଷୋତ୍ତମପୁର/କବିସୂର୍ଯ୍ୟନଗର,୧୩ା୨(ସୀମାଞ୍ଚଳ ମିଶ୍ର/କୃପାସିନ୍ଧୁ ସ୍ବାଇଁ): ଗଞ୍ଜାମ ଜିଲା ପୁରୁଷୋତ୍ତମପୁର ବ୍ଲକ ତଥା କବିସୂର୍ଯ୍ୟନଗର ଥାନା ଅନ୍ତର୍ଗତ ବଡ଼ଖରିଡ଼ା କାଳେଶ୍ୱର ଉଚ୍ଚ ବିଦ୍ୟାଳୟରୁ ବାରମ୍ବାର ଚୋରି ହେବାରେ ଲାଗିଛି। ଫଳରେ ଏଥିଯୋଗୁ ପିଲାଙ୍କ ପାଠପଢ଼ାରେ ବ୍ୟାହତ ହେଉଥିବା ବେଳେ ଏଥିପ୍ରତି ପୋଲିସ ଗୁରୁତ୍ୱ ଦେଉ ନ ଥିବାର ପ୍ରତିବାଦରେ ଛାତ୍ରୀଛାତ୍ର ବୁଧବାର ରାଜରାସ୍ତାକୁ ଓହ୍ଲାଇଛନ୍ତି। ଏହାର ଖବରପାଇ ବଡ଼ଖରିଡ଼ା ସରପଞ୍ଚଙ୍କ ପ୍ରତିନିଧି ରମେଶ ଚନ୍ଦ୍ର ଦଳେଇ ଘଟଣାସ୍ଥଳରେ ପହଞ୍ଚି ପିଲାଙ୍କୁ ବୁଝାସୁଝା କରି ଆନ୍ଦୋଳନକୁ ହଟାଇଥିଲେ। ଘଟଣାରୁ ଜାଣିବାକୁ ମିଳିଛି ଯେ, ମଙ୍ଗଳବାର ରାତିରେ ଦୁର୍ବୃତ୍ତମାନେ ବିଦ୍ୟାଳୟରେ ପଶି ସରକାରଙ୍କ ୫ଟି ଯୋଜନାରେ ନିର୍ମାଣ ହୋଇଥିବା କୋଠାର ଫାଟକ ଭାଙ୍ଗି ଟିଭି ଭଙ୍ଗାରୁଜା କରିବା ସହ ସିସି ଟିଭି, ଡିପିଆର, ଇନଭର୍ଟର ସହିତ ବିଭିନ୍ନ ସାମଗ୍ରୀ ଚୋରି କରିନେଇଯାଇଛନ୍ତି। ବୁଧବାର ସକାଳେ ଶିକ୍ଷୟିତ୍ରୀ/ଶିକ୍ଷକମାନେ ବିଦ୍ୟାଳୟ ଆସି ଚୋରି ଘଟଣା ଦେଖି କବିସୂର୍ଯ୍ୟନଗର ଥାନାରେ ଲିଖିତ ଅଭିଯୋଗ କରିଛନ୍ତି। ତେବେ ଗତମାସ ୨୫ ତାରିଖଠାରୁ ଇତି ମଧ୍ୟରେ ବିଦ୍ୟାଳୟରେ ୫ଥର ଚୋରିଛି। ଏନେଇ ପୋଲିସରେ ବାରମ୍ବାରର ଲିଖିତ ଅଭିଯୋଗ କରାଯାଇଥିଲେ ସୁଦ୍ଧା ପୋଲିସ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ନେଉ ନ ଥିବାନେଇ ପ୍ରଧାନ ଶିକ୍ଷୟିତ୍ରୀ ବନ୍ଦନା ପଣ୍ଡା କହିଛନ୍ତି। ଅନ୍ୟ ପଟେ ପିଲାଙ୍କ ପରୀକ୍ଷା ଆଉ କମ୍ ଦିନ ରହିଥିବାବେଳେ ଏଭଳି ଚୋରି ଓ ଭଙ୍ଗାରୁଜା ଯୋଗୁ ପାଠପଢ଼ାରେ ବ୍ୟାହତ ଘଟୁଥିବାବେଳେ ପୋଲିସ ଏଥିପ୍ରତି ଗୁରୁତ୍ୱ ଦେଉ ନ ଥିବାର ନେଇ ଅଭିଭାବକମାନେ ଅସନ୍ତୋଷ ପ୍ରକାଶ କରି ଏଥିପ୍ରତି ଗଞ୍ଜାମ ଏସ୍ପି ଓ ପୁରୁଷୋତ୍ତମପୁର ଏସ୍ଡିପିଓ ଏଥିପ୍ରତି ଦୃଷ୍ଟିଦେଇ ପଦକ୍ଷେପ ନେବା ଲାଗି ଦାବି କରିଛନ୍ତି। କବିସୂର୍ଯ୍ୟନଗର ପୋଲିସ ସ୍କୁଲକୁ ଆସି ତଦନ୍ତ କରିଛନ୍ତି। ଏଥିନେଇ ଆଇଆଇସି ପ୍ରଭାତ ରଞ୍ଜନ ମହାନ୍ତିଙ୍କ ସହ ଯୋଗାଯୋଗ କରାଯିବାରୁ ଏହାଚୋରି ନାହିଁ ଦୁଇ ଗୋଷ୍ଠୀ ହୋଇ ଏଭଳି କରିବାରେ ଲାଗିଛନ୍ତି। ଏହାର ତଦନ୍ତ କରାଯାଉଛି ବୋଲି ସେ କହିଛନ୍ତି।
