ପାଲଘର, ୮।୫ : ମହାରାଷ୍ଟ୍ରର ପାଲଘରର ଇସ୍ପାତ କାରଖାନା ଉପରେ ଏକ ଭିଡ଼ ଆକ୍ରମଣ ଘଟଣା ଘଟିଛି। ଭିଡ଼ରେ ଅଧିକାଂଶ ଲୋକ ଶ୍ରମିକ ସଂଗଠନ ସହିତ ଜଡିତ ଏବଂ ଶ୍ରମିକ ବୋଲି ସ୍ଥାନୀୟ ପ୍ରଶାସନ ପକ୍ଷରୁ ସୂଚନା ପ୍ରଦାନ କରାଯାଇଛି। ଇସ୍ପାତ କାରଖାନା ପରିଚାଳନା ସହିତ କିଛି ବିବାଦ ଦେଖାଦେଇଥିଲା।
ଏହାକୁ ନେଇ ଶ୍ରମିକ ସଂଗଠନ ସହିତ ଜଡିତ ୧୦୦ରୁ ଅଧିକ ଲୋକେ ଆସି ଇସ୍ପାତ କାରଖାନା ଉପରେ ଆକ୍ରମଣ କରିଥିଲେ। ଏହି ଆକ୍ରମଣକୁ ନିୟନ୍ତ୍ରଣ କରିବା ପାଇଁ ପୂର୍ବରୁ ଏଠାରେ ପୋଲିସ ଫୋର୍ସ ମୁତୟନ କରାଯାଇଥିଲେ। କିନ୍ତୁ ପୋଲିସ ଭିଡ଼କୁ ସମ୍ଭାଳି ପାର ନଥିଲେ।
ଏହି ଘଟଣାରେ ୧୯ ଜଣ ପୋଲିସ କର୍ମଚାରୀ ଆହତ ହୋଇଥିବା ଜଣାଯାଇଛି। ଏହା ବ୍ୟତୀତ ହିଂସାତ୍ମକ ଶ୍ରମିକମାନେ କେତେକ ଗାଡିରେ ନିଆଁ ଲଗାଇ ଦେଇଛନ୍ତି। ଫଳରେ ୧୨ ଟି ଗାଡି କ୍ଷତିଗ୍ରସ୍ତ ହୋଇଛି। ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ପୋଲିସ ଏପର୍ଯ୍ୟନ୍ତ ୨୭ ଆକ୍ରମଣକାରୀଙ୍କୁ ଗିରଫ କରିଛି।
ଏହି ଘଟଣା ପରେ କାରଖାନା ପରିସରରେ ଅଧିକ ପୋଲିସ ମୁତୟନ କରାଯାଇଛନ୍ତି। ପାଲଘର ପୋଲିସର ମୁଖପାତ୍ର ସଚିନ ନୱାଡକର କହିଛନ୍ତି ଯେ ପରିସ୍ଥିତି ଉତ୍ତେଜନାପୂର୍ଣ୍ଣ ଥିଲେ ମଧ୍ୟ ନିୟନ୍ତ୍ରଣରେ ରହିଛି।
