ନୂଆଦିଲ୍ଲୀ: ମୋବାଇଲ ଫୋନର ରାଜା କୁହାଯାଉଥିବା ଆପଲର ସହ-ପ୍ରତିଷ୍ଠାତା ଷ୍ଟିଭ ଜବ୍ସ ଦୁନିଆର ଲୋକପ୍ରିୟ ବ୍ୟକ୍ତିଙ୍କ ମଧ୍ୟରୁ ଜଣେ। ତାଙ୍କୁ ନେଇ ଗଣମାଧ୍ୟମରେ ଚର୍ଚ୍ଚା ଲାଗି ରହିଥାଏ। ହେଲେ ଏବେ ତାଙ୍କ ଝିଅ ଚର୍ଚ୍ଚାର ପରିସରକୁ ଆସିଛନ୍ତି। ଜୋବ୍ସଙ୍କ ଝିଅ ଇଭ ଗ୍ଲାମର ଦୁନିଆରେ ରଖିଛନ୍ତି ପାଦ। ପିତାଙ୍କ ବ୍ୟବସାୟ ଦୁନିଆ ବାହାରେ ମଡେଲିଂରେ ନାମ କରିବାକୁ ଇଭା ଚିନ୍ତା କରିଛନ୍ତି। ସେ ଗ୍ଲୋସିଅର୍ ପ୍ଲେଫୁଲ ହଲିଡେ ବିୟୁଟି ଅଭିଯାନରୁ ମଡେଲିଂରେ ନିଜର ଡେବ୍ୟୁ କରିଛନ୍ତି।
ଇଭ୍ ନିଜର ସମସ୍ତ ଫଟୋ ନିଜ ଇନଷ୍ଟାଗ୍ରାମରେ ଶେୟାର କରିଛନ୍ତି। ସୋସିଆଲ ପୃଷ୍ଠାରେ ଦେଢ଼ ଲକ୍ଷ ଅନୁସରଣକାରୀ ଅଛନ୍ତି। ଫଟୋଗୁଡ଼ିକରେ ସେ ବହୁତ ସୁନ୍ଦର ଦେଖାଯାଉଛନ୍ତି। ସୌନ୍ଦର୍ଯ୍ୟ ଅଭିଯାନ ପାଇଁ ଇଭ୍ ବାଥ୍ଟବ୍ରେ ଭଳିକି ଭଳି ପୋଜ ଦେଇଛନ୍ତି। ପ୍ରଶଂସକମାନେ ଏହାକୁ ବେଶ୍ ପସନ୍ଦ ମଧ୍ୟ କରୁଥିବା ଦେଖାଯାଉଛି।
ଷ୍ଟିଭ ଜବ୍ସ ଏବଂ ତାଙ୍କ ପତ୍ନୀ ପାୱେଲ ଜବ୍ସଙ୍କର ତିନୋଟି ସନ୍ତାନ ଅଛନ୍ତି। ଇଭ ତିନି ଭାଇଭଉଣୀଙ୍କ ମଧ୍ୟରୁ ସାନ। ସେ ଜଣେ ପ୍ରସିଦ୍ଧ ବ୍ୟକ୍ତିଙ୍କ ଝିଅ ହେବାସତ୍ତ୍ୱେ ନିଜକୁ ସୋସିଆଲ ମିଡିଆ ଏବଂ କ୍ୟାମେରାଠାରୁ ଦୂରରେ ରଖି ଆସୁଥିଲେ। ଇଭ ଜଣେ ଚମତ୍କାର ଅଶ୍ୱାରୋହୀ। ଦୁନିଆର ୨୫ ବର୍ଷରୁ କମ୍ ଶ୍ରେଷ୍ଠ ୫ ଅଶ୍ୱାରୋହୀଙ୍କ ମଧ୍ୟରୁ ସେ ଜଣେ। ଏବେ ସେ ଷ୍ଟାନ ଫୋର୍ଡ ୟୁନିଭରସିଟିରେ ସ୍ନାତକ କରୁଛନ୍ତ। ଆସନ୍ତା ବର୍ଷ ସ୍ନାତକ ହାସଲ କରିବେ ସେ।