ନୂଆଦିଲ୍ଲୀ,୧୦।୯: ଭାରତୀୟ କ୍ରିକେଟ ଟିମ୍ର ଅଧିନାୟକ ବିରାଟ କୋହଲୀଙ୍କ ପ୍ରଶଂସା କରିଛନ୍ତି ଅଷ୍ଟ୍ରେଲିଆ ବ୍ୟାଟ୍ସମ୍ୟାନ୍ ଷ୍ଟିଭ୍ ସ୍ମିଥ୍। କୋହଲୀ ବର୍ତ୍ତମାନ ସମୟରେ ଦୁନିଆର ଶ୍ରେଷ୍ଠ ଏକ ଦିବସୀୟ ଖେଳାଳି ବୋଲି ସେ କହିଛନ୍ତି।
ନିଜର ଇନ୍ଷ୍ଟାଗ୍ରାମ ପୃଷ୍ଠାରେ ପ୍ରଶ୍ନୋତ୍ତର ବିଭାଗକୁ ଆସି ପ୍ରଶଂସକଙ୍କ ପ୍ରଶ୍ନର ଉତ୍ତର ଦେଇଥିଲେ ସ୍ମିଥ୍। ଏହି ସମୟରେ ତାଙ୍କୁ ଶ୍ରେଷ୍ଠ ଏକଦିବସୀୟ ବ୍ୟାଟ୍ସମ୍ୟାନ୍ କିଏ ବୋଲି ଜଣେ ପଚାରିଥିଲେ। ଏହାର ଜବାବରେ ସେ କୋହଲୀଙ୍କ ନାମ ନେଇଥିଲେ। ଏହାଛଡ଼ା ତାଙ୍କୁ ଭାରତୀୟ ଓ୍ବିକେଟ୍ କିପର କେ.ଏଲ୍. ରାହୁଲଙ୍କ ବିଷୟରେ ପଚରାଯାଇଥିଲା। ଏହାର ଜବାବରେ ସେ ରାହୁଲ୍ଙ୍କୁ ବନ୍ଧୁକ ବୋଲି କହିଥିଲେ।
ସ୍ମିଥ୍ ଏବେ ଇଂଲଣ୍ଡରେ ଅଛନ୍ତି। ସେଠାରେ ତିନୋଟି ଟି-୨୦ ମ୍ୟାଚ୍ ଏବଂ ୩ ଏକଦିବସୀୟ ମ୍ୟାଚ୍ ଖେଳା ଯିବାର ରହିଛି। ସେପ୍ଟେମ୍ବର ୧୧ରୁ ଏହା ଆରମ୍ଭ ହେବ। ଏହାପରେ ସ୍ମିଥ୍ ୟୁଏଇ ଫେରିବେ। ସେଠାରେ କ୍ୱାରାଣ୍ଟାଇନ୍ ରହିବା ପରେ ରାଜସ୍ଥାନ ରୟାଲ୍ସ ପାଇଁ ଆଇପିଏଲ୍ ଖେଳିବେ।