ନୂଆଦିଲ୍ଲୀ,୨୯।୧୧: ଅଷ୍ଟ୍ରେଲିଆ କ୍ରିକେଟ ଟିମ୍ର ବ୍ୟାଟ୍ସମ୍ୟାନ୍ ଷ୍ଟିଭ୍ ସ୍ମିଥ୍ ଟେଷ୍ଟ କ୍ରିକେଟ ଫର୍ମାଟର ଏକ ନଂ ଖେଳାଳି। ହେଲେ ସେ ଦିନିକିଆ କ୍ରିକେଟରେ ମଧ୍ୟ ନିଜର ଜବରଦସ୍ତ ପ୍ରଦର୍ଶନ ଜାରି ରଖିଛନ୍ତି। ଲଗାତାର ଦ୍ୱିତୀୟ ଥର ପାଇଁ ଭାରତ ବିପକ୍ଷ ଦିନିକିଆରେ ଶତକ ହାସଲ କରିଛି। ସ୍ମିଥ୍ ୬୪ ବଲ୍ରେ ୧୦୪ ରନ୍ କରିଛନ୍ତି। ଯେଉଁଥିରୁ ମାତ୍ର ୬୨ ବଲ୍ରେ ସେ ଶତକ ମାରିଥିଲେ। ଭାରତ ବିପକ୍ଷ ସିରିଜ୍ର ଖେଳାଯାଇଥିବା ଦୁଇଟି ମ୍ୟାଚ୍ରେ ୭୦ରୁ କମ୍ ବଲ୍ରେ ଶତକ ମାରି ସେ ଇତିହାସ ରଚିଛନ୍ତି। ଏପରି କରିବାରେ ସେ ଅଷ୍ଟ୍ରେଲିଆର ପ୍ରଥମ ଏବଂ ଦୁନିଆର ଦ୍ୱିତୀୟ ବ୍ୟାଟ୍ସମ୍ୟାନ୍ ପାଲଟିଛନ୍ତି। ତାଙ୍କ ପୂର୍ବରୁ ୨୦୧୮ରେ ଜନି ବେୟରଷ୍ଟୋ ନ୍ୟୁଜିଲାଣ୍ଡ ବିପକ୍ଷରେ ୫୬ ଏବଂ ସ୍କଟ୍ଲାଣ୍ଡ ବିପକ୍ଷରେ ମାତ୍ର ୫୪ ବଲ୍ରେ ଶତକ କରିଥିଲେ। ଏହାଛଡ଼ା ସ୍ମିଥ୍ ଭାରତ ବିପକ୍ଷରେ ଲଗାତାର ତୃତୀୟ ଶତକ କରିଛନ୍ତି। ଏପରି କରିବାରେ ସେ ପ୍ରଥମ ଅଷ୍ଟ୍ରେଲିୟ ଖେଳାଳି ପାଲଟିଛନ୍ତି।
କହିରଖୁଛୁ, ସ୍ମିଥ୍ ଆଇପିଏଲ୍ରେ ଲୟରେ ନ ଥିlଲେ। ଏଣୁ ତାଙ୍କ ଅଧିନାୟକତ୍ୱରେ ରାଜଧାନୀ ରୟାଲ୍ସ ଟିମ୍ ଶେଷ ର଼୍ୟାଙ୍କ ହାସଲ କରିଥିଲା। ହେଲେ ଦିନିକିଆ ସିରିଜ ଆରମ୍ଭର ୩ ଦିନ ପୂର୍ବରୁ ସେ ପୁଣିଥରେ ନିଜର ଲୟକୁ ଫେରିଛନ୍ତି। ଏହା ସେ ନିଜେ କହିଛନ୍ତି। ଫଳରେ ଦୁଇଟି ଯାକ ଦିନିକିଆରେ ସେ ଶତକ କରିବାରେ ସଫଳ ହୋଇଛନ୍ତି। ଏହାକୁ ନେଇ ଆଗାମୀ ଟେଷ୍ଟ ଶୃଙ୍ଖଳାରେ ସେ ଭଲ ପ୍ରଦର୍ଶନ କରିପାରନ୍ତି ବୋଲି ଆଶା କରାଯାଉଛି।
