ପଦ୍ମପୁର,୧୪।୧୧(ଡି.ଏନ୍.ଏ.): ବରଗଡ଼ ଜିଲା ପଦ୍ମପୁର ବନଖଣ୍ଡ କେନ୍ଦୁଭଟା ଛକ ନିକଟରୁ ଏକ ହାତୀଦାନ୍ତ ଜବତ ହୋଇଛି। ଏହା ସହ ଜଣଙ୍କୁ ଅଟକ ରଖି ପଚରାଉଚରା କରାଯାଉଛି। ହାତୀଦାନ୍ତ ଚାଲାଣ ବେଳେ ବନବିଭାଗ ଏସଟିଏଫ୍ ଚଢ଼ାଉ କରି ଉକ୍ତ ଲୋକଙ୍କୁ ଅଟକ ରଖିଥଲେ। ସେ ହେଲେ, ବଲାଙ୍ଗୀର ଜିଲା ରମ୍ଭା ଥାନା ଅଞ୍ଚଳର ରମେଶ ପ୍ରଧାନ। ତାଙ୍କ ପାଖରୁ ଏକ ହାତୀଦାନ୍ତ ଜବତ ହୋଇଛି। ଜବତ ହାତୀଦାନ୍ତର ଓଜନ ପ୍ରାୟ ୩ କେଜି ୩୫୦ ଗ୍ରାମ। ଏସ୍ଟିଏଫ ତାଙ୍କୁ ଅଟକ ରଖି ଅଧିକ ପଚରା ଉଚରା କରୁଥିବା ସୂଚନା ମିଳିଛି।