ନୂଆଦିଲ୍ଲୀ,୧।୨: ଅର୍ଥମନ୍ତ୍ରୀ ନିର୍ମଳା ସୀତାରାମନ ଆଉ କିଛି ସମୟ ପରେ ବଜେଟ ଉପସ୍ଥାପନ କରିବାକୁ ଯାଉଛନ୍ତି। ବଜେଟ ପୂର୍ବରୁ ଶେୟାର ବଜାରରେ ବୃଦ୍ଧି ଦେଖିବାକୁ ମିଳିଛି। ଷ୍ଟକ ମାର୍କେଟ ଧୀରେ ଧୀରେ ଆରମ୍ଭ ହୋଇଛି। ସକାଳ ୯.୫୨ ସମୟରେ ବମ୍ବେ ଷ୍ଟକ ଏକ୍ସଚେଞ୍ଜ (BSE) ସେନସେକ୍ସ ୨୮୩.୮୭ ପଏଣ୍ଟ ବୃଦ୍ଧି ସହିତ ୭୭,୭୪୩.୬୮ ସ୍ତରରେ କାରବାର କରୁଛି। ଏହା ବ୍ୟତୀତ, ନ୍ୟାଶନାଲ ଷ୍ଟକ ଏକ୍ସଚେଞ୍ଜ (NSE)ର ନିଫ୍ଟି ୬୫.୦୫ ପଏଣ୍ଟ ବୃଦ୍ଧି ସହିତ ୨୩,୫୭୧.୫୫ରେ କାରବାର କରୁଛି।
ସକାଳ ୧୦.୨୦ରେ, BSE ସେନସେକ୍ସ ୨୨୬.୭୦ ପଏଣ୍ଟ କିମ୍ବା ୦.୨୯ ପ୍ରତିଶତ ବୃଦ୍ଧି ସହିତ ୭୭,୭୨୭.୨୭ ସ୍ତରରେ ଖୋଲିଥିଲା। ଏହା ବ୍ୟତୀତ, NSEର ନିଫ୍ଟି ୬୨.୪୫ ଅର୍ଥାତ୍ ୦.୨୭ ପଏଣ୍ଟ ବା ୨୩,୫୭୦ ସ୍ତରରେ କାରବାର କରୁଛି।
ସୂଚନାଯୋଗ୍ୟ, ଶୁକ୍ରବାର BSEର ସେନ୍ସେକ୍ସ ୭୪୧(୭୪୦.୭୬) ପଏଣ୍ଟ ବଢି ୭୭,୫୦୧ (୭୭,୫୦୦.୫୭) ଅଙ୍କରେ କାରବାର ବନ୍ଦ ହୋଇଥିଲା। ସେହିଭଳି NSEର ନିଫ୍ଟି-୫୦ରେ ମଧ୍ୟ ୨୫୯ (୨୫୮.୯୦) ପଏଣ୍ଟ ବୃଦ୍ଧି ଘଟି ୨୩,୫୦୮(୨୩,୫୦୮.୪୦) ଅଙ୍କରେ କାରବାର ଶେଷ କରିଥିଲା।
