କାଲିଫର୍ନିଆ.୧୨ ।୩: ଆମେରିକାର ଉତ୍ତର କାଲିଫର୍ନିଆରେ ପ୍ରବଳ ବର୍ଷା ଓ ବନ୍ୟା ଫଳରେ ସାଧାରଣ ଜୀବନ ପ୍ରଭାବିତ ହୋଇଛି । ପଜାରୋ ନଦୀରେ ନିର୍ମିତ ବନ୍ଧ ଭାଙ୍ଗି ଯିବାରୁ ନିକଟରେ ଥିବା ଅଞ୍ଚଳ ବନ୍ୟା ପାଣିରେ ବୁଡି ଯାଇଛି । ଫଳରେ ହଜାର ହଜାର ଲୋକେ ଘର ଛାଡି ପଳାଇବାକୁ ବାଧ୍ୟ ହୋଇଛନ୍ତି ।
ମିଡିଆ ରିପୋର୍ଟ ଅନୁଯାୟୀ, ପାଣିପାଗ ବିଭାଗର ଚେତାବନୀ ପରେ ସେଣ୍ଟ୍ରାଲ କୋଷ୍ଟର ମୋଂଟେରି କାଉଣ୍ଟିରେ ୮ ହଜାରରୁ ଅଧିକ ଲୋକଙ୍କୁ ଉଦ୍ଧାର କରାଯାଇ ସୁରକ୍ଷିତ ସ୍ଥାନକୁ ପଠାଇ ଦିଆଯାଇଛି । ଏମାନଙ୍କ ମଧ୍ୟରୁ ୧୭୦୦ ଲୋକ ପଜାରୋ ନଦୀରେ ହୋଇଥିବା ବନ୍ଧ ଭାଙ୍ଗି ଯିବାବାରୁ ଫସି ଯାଇଥିଲେ । ଅଧିକାରୀମାନେ କହିଛନ୍ତି ପଜାରୋ ନଦୀ ଉପରେ ହୋଇଥିବା ବନ୍ଧ ପ୍ରାୟ ୧୦୦ ଫୁଟ ଚଉଡା ଥିଲା । ପ୍ରବଳ ବର୍ଷା ଯୋଗୁ ଶନିବାର ଭୋର ସମୟରେ ଏହି ବନ୍ଧ ଭାଙ୍ଗିଯାଇ ଜନବସତି ଭିତରକୁ ପାଣି ପସିଯାଇଥିଲା ।
