ବିନିକା,୨୮ା୫(ଡି.ଏନ୍.ଏ.): ହଠାତ୍ କାଳବୈଶାଖୀ ପ୍ରଭାବରେ ସୁବର୍ଣ୍ଣପୁର ଜିଲା ବିନିକା ବ୍ଲକର କେତେକ ସ୍ଥାନରେ ଝଡ଼ତୋଫାନ ଦେଖାଦେଇଛି। ଜୋରରେ ପବନ ବହିବା ଯୋଗୁ ବହୁ ଲୋକଙ୍କ ଘର ଛପର ଉଡିଯାଇଛି। ଏପରି କି ପନିପରିବା ଫସଲ ଉଜୁଡି ଯାଇଥିବା ଚାଷୀ ଅଭିଯୋଗ କରିଛନ୍ତି।
ବିଶାଳପାଲି ଛକ ନିକଟରେ ୩ଟି ଗଛ ଉପୁଡି ପଡିବା ଯୋଗୁ ଯାତାୟାତ ଠପ୍ ହୋଇ ଯାଇଥିଲା। ଗଛ କଟାଯିବା ପରେ ଗମନାଗମନ ସ୍ବାଭାବିକ ହୋଇଥିଲା। ସିନ୍ଦୂରପୁର, ବାବୁପାଲି ଓ ବାଙ୍କିଘିର୍ଡି ଅଞ୍ଚଳରେ ଅନେକ ଲୋକଙ୍କ ଘର ଭାଙ୍ଗି ଯାଇଥିବା ବେଳେ ବଡ଼ ବଡ଼ ଗଛ ଉପୁଡ଼ି ପଡ଼ିଥିବା ସୂଚନା ମିଳିଛି । ତୁରନ୍ତ କ୍ଷତିଗ୍ରସ୍ତ ଲୋକଙ୍କୁ ପ୍ରଶାସନିକ ସହାୟତା ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି।