କ୍ୟାରିୟର, ପଦୋନ୍ନତି, ବୈବାହିକ ଜୀବନ, ଅର୍ଥ, ଶିକ୍ଷା ଏବଂ ବ୍ୟବସାୟ ସହ ଜୀବନର ଅନେକ ସମସ୍ୟା ବିଷୟରେ ଆଚାର୍ଯ୍ୟ ଚାଣକ୍ୟ ନିଜ ନୀତିଶାସ୍ତ୍ରରେ କହିଛନ୍ତି। ତାଙ୍କ ନୀତିକୁ ଜୀବନରେ ଆପଣାଇବା କଷ୍ଟସାଧ୍ୟ। କିନ୍ତୁ ଯେ ତାହା କରିପାରେ ସେହି ବ୍ୟକ୍ତିଙ୍କୁ କେହି ସଫଳତା ପାଇବାରୁ ଅଟକାଇ ପାରିବେ ନାହିଁ। ନୀତି ଶାସ୍ତ୍ରରେ ଚାଣକ୍ୟ କହିଛନ୍ତି, ଯେଉଁ ବ୍ୟକ୍ତି ଟଙ୍କା ରୋଜଗାର କରିବା ପାଇଁ ଭୁଲ ବାଟ ବ୍ୟବହାର କରେ, ସେ ଜୀବନରେ କେବେବି ଶାନ୍ତି ପାଏ ନାହିଁ ।
-ଚାଣକ୍ୟ କୁହନ୍ତି, ଯେଉଁ ବ୍ୟକ୍ତି ଅନ୍ୟାୟ ଭାବରେ ଟଙ୍କା ଜମା କରେ ଏବଂ ସର୍ବଦା ଅହଂକାରରେ ମୁଣ୍ଡ ଟେକି ଚାଲେ, ସେଭଳି ଏପରି ଲୋକଙ୍କଠାରୁ ଦୂରରେ ରୁହନ୍ତୁ। ଏହିପରି ଲୋକମାନେ ମଧ୍ୟ ନିଜ ପାଇଁ ଏକ ବୋଝ, ସେମାନେ କେବେ ଶାନ୍ତି ପାଆନ୍ତି ନାହ।
-ଚାଣକ୍ୟ କହିଛନ୍ତି, ଭୁଲ ବାଟରେ ଟଙ୍କା ରୋଜଗାର କରୁଥିବା ବ୍ୟକ୍ତିଙ୍କଠାରୁ ମଣିଷ ସବୁବେଳେ ଦୂରତା ରଖିବା ଉଚିତ। ଅନେକ ସମୟରେ ଘନିଷ୍ଠ ବ୍ୟକ୍ତିମାନେ ଏହି ପ୍ରକୃତିର ହୋଇଥାନ୍ତି। ଏଣୁ ସେମାନଙ୍କ ପ୍ରକୃତି ଏଭଳି ଜାଣିବା ପରେ ସେମାନଙ୍କଠାରୁ ଦୂରରେ ରହିବା ସମ୍ଭବ ହୋଇ ନ ଥାଏ। ତଥାପି, ଏହିପରି ଲୋକଙ୍କଠାରୁ ଦୂରତା ରଖିବା ଉଚିତ।
-ଟଙ୍କା ଲୋଭରେ ବୁଡ଼ିଥିବା ବ୍ୟକ୍ତି ମନରେ ଅହଙ୍କାର ବାସ କରେ । ଏହିପରି ଲୋକମାନେ ନିଜଠାରୁ ଛୋଟ ଲୋକଙ୍କ ସହ କଥାବାର୍ତ୍ତା କରିବାକୁ ପସନ୍ଦ କରନ୍ତି ନାହିଁ। ଜଣେ ଅହଂକାରୀ ତଥା ଲୋଭୀ ବ୍ୟକ୍ତିକୁ ସମାଜରେ ଅପମାନିତ ହେବାକୁ ପଡିବ। ଏଣୁ ସେଭଳି ଲୋକଙ୍କଠାରୁ ଦୂରତା ରଖିବା ଉଚିତ। କାରଣ ସମୟ ଆସିଲେ ଲୋଭୀ ବ୍ୟକ୍ତି ଯେକୌଣସି ବ୍ୟକ୍ତିଙ୍କୁ ଠକିପାରେ। ଏହିପରି ଲୋକମାନେ ଠିକ୍ ଏବଂ ଭୁଲଠାରୁ ବହୁ ଦୂରରେ ବୋଲି ଚାଣକ୍ୟ କହିଛନ୍ତି।