ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାର ଅଭିଯୁକ୍ତ କୁହାଯାଉଥିବା ଅଭିନେତ୍ରୀ ତଥା ପ୍ରେମିକା ରିୟା ଚକ୍ରବର୍ତ୍ତୀଙ୍କ ପାଇଁ ଅଡୁଆ ଦିନକୁ ଦିନ ବଢ଼ିବାରେ ଲାଗିଛି। ଏହି ମାମଲାର ତଦନ୍ତ ସିବିଆଇ ହାତକୁ ଯିବା ପରେ ତାଙ୍କୁ ପଚରାଉଚରା ଜାରି ରହିଛି। ଏହି ସମୟରେ ଅଭିନେତା ଆୟୁଷ୍ମାନ ଖୁରାନା ରିୟାଙ୍କ ପୋଷ୍ଟରେ ଦେଇଥିବା ଏକ ଏକ ମନ୍ତବ୍ୟ ଯୋଗୁ ତାଙ୍କୁ ଟ୍ରୋଲ ହେବାକୁ ପଡ଼ିଛି। ଅଭିନେତା କେ ଆର୍ କେ ଏଥିପାଇଁ ଆୟୁଷ୍ମାନଙ୍କୁ ଟାର୍ଗେଟ ମଧ୍ୟ କରିଛନ୍ତି।
ଆୟୁଷ୍ମାନ ରିୟାଙ୍କ ଏକ ପୋଷ୍ଟରେ ହାର୍ଟ ଏବଂ ବ୍ରୋକେନ ହାର୍ଟର ଇମୋଜି ଶେୟାର କରିଥିଲେ। ତାଙ୍କର ଏପରି ଇମୋଜି ରିୟାଙ୍କୁ ସମର୍ଥନ କରୁଥିବା ମନେ ହେଉଛି। ଏହାକୁ ସୁଶାନ୍ତଙ୍କ ପ୍ରଶଂସକମାନେ ଆଦୌ ହେଲେ ସହିପାରୁ ନାହାନ୍ତି। ଫଳରେ ଆୟୁଷ୍ମାନଙ୍କୁ ଟ୍ରୋଲ ହେବାକୁ ପଡ଼ିଛି। କେଉଁ କାରଣରୁ ଆୟୁଷ୍ମାନ ରିୟାଙ୍କୁ ସମର୍ଥନ କରୁଛନ୍ତି ବୋଲି କେ ଆର୍ କେ ଟୁଇଟ୍ କରି କହିଛନ୍ତି।