ସିଡ୍ନୀ,୧୧।୧୨: ଅଷ୍ଟ୍ରେଲିଆର ଏକ ଦୁର୍ଗମ ଅଞ୍ଚଳରେ ଥିବା ଏକ ସ୍କୁଲ ବସ ଆକାରର ଏକ ଷ୍ଟିଲ ଟ୍ରେଜେରୀ ପୃଥିବୀର ବୃଦ୍ଧି ପାଉଥିବା ତପାମାନ ସହିତ ବଦଳୁଥିବା ପାଣିପାଗ ରେକର୍ଡ କରିବା ଲାଗି ସ୍ଥାପନ କରାଯିବ। ଏହି ମେସିନ ମଣିଷର ପ୍ରତିଟି କାର୍ଯ୍ୟ କଳାପକୁ ରେକର୍ଡ କରିବା ସହିତ ମାନବ ସଭ୍ୟତାର ଭୁଲ ପଦକ୍ଷେପଗୁଡ଼ିକ ସମ୍ପର୍କରେ ମଧ୍ୟ ତଥ୍ୟ ସଂଗ୍ରହ କରିବ।
ଏହାକୁ ପୃଥିବୀର ବ୍ଲାକ୍ ବକ୍ସ୍ ମଧ୍ୟ କୁହାଯିବ ବୋଲି ପାଣିପାଗ ଗବେଷକ କହିଛନ୍ତି। ଏହି ରହସ୍ୟମୟ ମେସିନ ଅଷ୍ଟ୍ରେଲିଆର ଟାସମାନିଆ ଦ୍ୱୀପ ରେ ସ୍ଥାପନ କରାଯିବାର ଯୋଜନା ରହିଛି। ଏହା ବିମାନରେ ଥିବା ବ୍ଳାକ୍ ବକ୍ସ୍ ପରି କାର୍ଯ୍ୟ କରିବ।
ତିନି ଇଞ୍ଚ ମୋଟା ଇସ୍ପାତରେ ୩୩ ଫୁଟ ଲମ୍ବର ଏହି ବ୍ଲାକ୍ ବକ୍ସ୍ ଆସନ୍ତା ବର୍ଷ ମଧ୍ୟଭାଗ ପୂର୍ବରୁ ସମ୍ପୂର୍ଣ୍ଣ ହେବ ନାହିଁ ବୋଲି ଆଶା କରାଯାଉଛି। ଏହାର ନିର୍ମାତାମାନେ କହିଛନ୍ତି ଯେ ସେମାନେ ନିର୍ମାଣ ସମ୍ପର୍କିତ ସୂଚନା ସଂଗ୍ରହ କରିବା ଆରମ୍ଭ କରି ଦେଇଛନ୍ତି। ପୃଥିବୀର ଏହି ବ୍ଲାକ୍ ବକ୍ସ୍ ଜଳବାୟୁ ପରିବର୍ତ୍ତନ ଏବଂ ମନୁଷ୍ୟ ଦ୍ୱାରା ସୃଷ୍ଟି ହୋଇଥିବା ବିଭିନ୍ନ ବିପଦକୁ ରେକର୍ଡ କରିବ।
ଏହା ସହିତ ମାନବ ସଭ୍ୟତାର ଧ୍ୱଂସର କାହାଣୀ ମଧ୍ୟ ରେକର୍ଡ ହେବ।ଏହା ଜଳବାୟୁର ତାପମାତ୍ରା, ସମୁଦ୍ର ପତ୍ତନ, ଜଳବାୟୁରେ ଅଙ୍ଗାରକାମ୍ଳର ପରିମାଣ ଏବଂ ଜଳବାୟୁ ବିପର୍ଯ୍ୟୟକୁ ରୋକିବାରେ ବିଫଳ ହେବାର ସମସ୍ତ ତଥ୍ୟକୁ ରେକର୍ଡ କରିବାକୁ ସକ୍ଷମ ହେବ।
ଟାସମାନିଆର ବିବିଡ଼ିଓ ବିଶ୍ୱବିଦ୍ୟାଳୟ ସହାୟତାରେ ମାର୍କେଟିଂ କମ୍ପାନୀ କ୍ଲେମେଞ୍ଜର ଦ୍ୱାରା ଏହି ପ୍ରକଳ୍ପର ବିକାଶ କରାଯାଉଛି। କମ୍ପାନୀ କହିଛି ଯେ ଏହି ବ୍ଲାକ୍ ବକ୍ସ୍ ନିର୍ମାଣର ଉଦ୍ଦେଶ୍ୟ ହେଉଛି ଯଦି ପୃଥିବୀରେ ଆଗାମୀ ଦିନରେ ମାନବ ସଭ୍ୟତା ଲୋପ ହୁଏ, ତେବେ ବଞ୍ଚିଥିବା ଲୋକମାନେ ସମସ୍ତ ତଥ୍ୟ ବ୍ଲାକ୍ ବକ୍ସ୍ରୁ ଜାଣିପାରିବେ।
