ନୂଆଦିଲ୍ଲୀ,୩।୯: ଭାରତୀୟ କ୍ରିକେଟ ଟିମ୍ର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀଙ୍କ ଲୋକପ୍ରିୟତା କେବଳ ଭାରତରେ ସୀମିତ ନୁହେଁ। ଦୁନିଆର କୋଣ ଅନୁକୋଣରେ ଧୋନୀଙ୍କ ପ୍ରଶଂସକ ରହିଛନ୍ତି। ଏହି କ୍ରମରେ ଯୋଡ଼ି ହୋଇଛନ୍ତି ଜଣେ ପାକିସ୍ତାନୀ ଅଲରାଉଣ୍ଡର। ସେ ହେଉଛନ୍ତି ଫହିମ ଅଶରଫ। ସେ ନିଜ ଘରର କାନ୍ଥରେ ଧୋନୀଙ୍କ ଫଟୋ ଲଗାଇଥିବା ଦେଖିବାକୁ ମିଳିଛି।
ଘରେ ଥିବା ରାତ୍ରଭୋଜନ ସମୟର କିଛି ଫଟୋ ଫହିମ ନିଜ ସୋସିଆଲ ମିଡିଆରେ ଶେୟାର କରିଥିଲେ। ଫଟୋରେ ତାଙ୍କ ସହ ସାଥୀ କ୍ରିକେଟର ହସନ ଅଲ୍ଲୀ, ହୈରିସ ରାଉଫ ଏବଂ ଶାଦାବ ଖାନ ସମେତ ପରିବାରଲୋକ ନଜର ଆସୁଛନ୍ତି। ଫଟୋରେ ଥିବା ଲୋକଙ୍କ ପଛରେ ଏକ ଫଟୋ ଦେଖିବାକୁ ମିଳିଛି। ସେଇଟି ହେଉଛି ଧୋନୀଙ୍କର। ଫହିମଙ୍କ ଏହି ଫଟୋ ସାମ୍ନାକୁ ଆସିବା ପରେ ଲୋକମାନେ ପାକିସ୍ତାନୀ କ୍ରିକେଟରଙ୍କ ପ୍ରଶଂସା କରୁଛନ୍ତି। ତାଙ୍କ ଖେଳ ଭାବନାର ମଧ୍ୟ ପ୍ରଶଂସା କରାଯାଉଛି।