ବଲିଉଡ୍ ଅଭିନେତ୍ରୀ ସାରା ଅଲ୍ଲୀ ଖାନ୍ କୌଣସି ନା କୌଣସି କାରଣକୁ ନେଇ ସବୁବେଳେ ଚର୍ଚ୍ଚାରେ ରହିଥାନ୍ତି। କେତେବେଳେ ସେ ନିଜ ଫିଲ୍ମ ପାଇଁ ତ ଆଉ କେତେବେଳେ ସୋସିଆଲ ମିଡିଆରେ ପୋଷ୍ଟକୁ ନେଇ। ଏଥର ସେ ଏକ ଭିଡିଓ ପାଇଁ ଚର୍ଚ୍ଚାରେ ରହିଛନ୍ତି।
ବାସ୍ତବରେ, ସାରା ଇନ୍ଷ୍ଟାଗ୍ରାମ୍ରେ ଏକ ମଜାଦାର ଭିଡିଓ ଶେୟାର କରିଛନ୍ତି। ଭିଡିଓରେ ସେ ଦାନ୍ତ ଡାକ୍ତରଙ୍କ ପାଖରେ ଦାନ୍ତ ଦେଖାଉଥିବାର ଦେଖିବାକୁ ମିଳୁଛି। ପରେ ସେ ମା’ଙ୍କ ସହ ରାତ୍ରୀ ଭୋଜନ ବିଷୟରେ କଥା ହେଉଛନ୍ତି। କିନ୍ତୁ ସେ ଠିକ୍ ଭାବେ କହିପାରୁ ନାହାନ୍ତି। ଏଥିପାଇଁ ସେ ପ୍ରଶଂସକଙ୍କୁ କ୍ଷମା ମଧ୍ୟ ମାଗୁଛନ୍ତି। ପରେ ଅସ୍ତ୍ରୋପଚାର କରାଯାଇ ତାଙ୍କର ଜ୍ଞାନ ଦାନ୍ତ ବାହାର କରାଯାଉଛି। ଏହାପରେ ସାରା କହୁଛନ୍ତି, ଧନ୍ୟବାଦ ଡାକ୍ତର ଶେଟ୍ଟୀ ଜୀ…। ସାରାଙ୍କ ଏହି ଭିଡିଓ ଖୁବ୍ ଭାଇରାଲ ହେବାରେ ଲାଗିଛି। ବର୍ତ୍ତମାନ ପର୍ଯ୍ୟନ୍ତ ଏହାକୁ ୨୦ ଲକ୍ଷ ଥର ଦେଖାଯାଇଛି।
