ବଲିଉଡ୍ର ଲୋକପ୍ରିୟ ଅଭିନେତା ହ୍ରିତିକ୍ ରୋଶନ ଏବଂ ସ୍ତ୍ରୀ ସୁଜୈନ ଏବେ ଆଉ ଏକାଠି ରହୁ ନାହାନ୍ତି। ଉଭୟଙ୍କର ଛାଡପତ୍ର ପରେ ସେମାନେ ବହୁତ ଭଲ ବନ୍ଧୁ ହୋଇଛନ୍ତି। ଉଭୟ ଏକାଠି ସେମାନଙ୍କ ୨ ସନ୍ତାନର ଯତ୍ନ ନେଇଥାନ୍ତି। ଖାଲି ସେତିକି ନୁହେଁ, ସେମାନେ ସୋସିଆଲ ମିଡିଆରେ ପରସ୍ପରର ଫଟୋ ଏବଂ ଭିଡିଓ ଉପରେ ମନ୍ତବ୍ୟ ମଧ୍ୟ ରଖିଥାନ୍ତି। ଏମିତିରେ ଏବେ ପୁଣିଥରେ ହ୍ରିତିକ୍ ତାଙ୍କର ପୂର୍ବତନ ସ୍ତ୍ରୀ ସୁଜୈନଙ୍କ ଫଟୋରେ ପ୍ରତିକ୍ରିୟା ରଖିଛନ୍ତି।
ନିକଟରେ ସୁଜୈନ ଇନ୍ଷ୍ଟାଗ୍ରାମ୍ରେ ଏକ ଫଟୋ ଶେୟାର କରିଛନ୍ତି। ଏଥିରେ ସେ କଳା ରଙ୍ଗର ଏକ ଜିନ୍ସ ସାଙ୍ଗକୁ ଧଳା ସାର୍ଟ ପିନ୍ଧିଛନ୍ତି। ଏହି ଫଟୋ ଶେୟାର କରି ସେ କ୍ୟାପଶନରେ ଲେଖିଛନ୍ତି, ବେଳେବେଳେ ମନେହୁଏ ମୁଁ ଜଣେ ପୁଅ, ବୁଧବାର ମୁଡ୍। ସୁଜୈନ୍ଙ୍କ ଏହି ଫଟୋ ଖୁବ୍ ଭାଇରାଲ ହେବାରେ ଲାଗିଛି। ଅନେକ ପ୍ରଶଂସକ ଏହି ଫଟୋକୁ ପସନ୍ଦ କରିବା ସହ କମେଣ୍ଟ ମଧ୍ୟ କରିଛନ୍ତି। ତେବେ ପୂର୍ବତନ ସ୍ବାମୀ ହ୍ରିତିକ୍ ମନ୍ତବ୍ୟରେ ଲେଖିଛନ୍ତି, ହା ହା ହା, ସୁନ୍ଦର ଫଟୋ। ହ୍ରିତିକ୍ଙ୍କ ଏହି ମନ୍ତବ୍ୟ ଲୋକଙ୍କୁ ବହୁତ ପସନ୍ଦ ଆସିଛି।
