ଯଦି କେବେ ବିମାନବନ୍ଦର ଯାଇଥିବେ, ତେବେ ନିଶ୍ଚିତ ଭାବରେ କନ୍ଭେୟର ବେଲ୍ଟ ଦେଖିଥିବେ। ବିମାନ ବନ୍ଦର ଭିତରେ, ଏହି ବେଲ୍ଟ ସାହାଯ୍ୟରେ ଯାତ୍ରୀମାନେ ସେମାନଙ୍କର ଲଗେଜ ନେଇଥାନ୍ତି। ବିମାନ ଅବତରଣ କରିବା ପରେ ଲଗେଜଗୁଡ଼ିକ ବେଲ୍ଟରେ ରଖାଯାଏ ଏବଂ ଏହା ଧୀରେ ଧୀରେ ବୁଲିଥାଏ। ଯାହାର ଜିନିଷ ସେ ଏହାକୁ ଉଠାଇ ନିଏ। କିନ୍ତୁ ବିମାନବନ୍ଦରର କନ୍ଭେୟର ବେଲ୍ଟରେ ଏପରି କିଛି ଜିନିଷ ଦେଖିବାକୁ ମିଳିଛି, ଯାହା ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି।
A mannequin lamp raised some eyebrows at baggage claim. 👀🤨😂#viralhog #baggageclaim #london pic.twitter.com/Sfvf0Qx47c
— ViralHog (@ViralHog) May 20, 2022
ସମ୍ପ୍ରତି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଦେଖିବାକୁ ଅତ୍ୟନ୍ତ ଭୟଙ୍କର ହେଲେ ମଧ୍ୟ ପରେ ସତ ଜାଣିବା ପରେ ହସିହସି ଗଡ଼ିବେ।
ବିମାନବନ୍ଦର ଭିତରେ ଥିବା କନଭେୟର ବେଲ୍ଟରେ ଏକ ଡେଡ୍ ବଡି (ମୃତଦେହ) ଆସୁଥିବା ଦେଖାଯାଇଛି। ଲୋକମାନେ ମଧ୍ୟ ଏହାକୁ ନିରେଖି ଚାହିଁ ରହିଛନ୍ତି। ସମଗ୍ର କନଭେୟର ବେଲ୍ଟରେ ଥିବା ଲଗେଜ ବ୍ୟତୀତ ଏପରି ଜିନିଷ ଦେଖିବା ଆଶ୍ଚର୍ଯ୍ୟଜନକ, କିନ୍ତୁ ଲାଗୁଛି ଯେପରି ଅନେକ ଲୋକ ସେହି ‘ଡେଡ୍ ବଡି’ ବିଷୟରେ ଜାଣିଛନ୍ତି। ପ୍ରକୃତରେ ଏହା ଏକ ମୃତଦେହ ନୁହେଁ।ଏହା ଏକ କଣ୍ଢେଇ। ଯାହା ପୋଷାକ ଦୋକାନରେ ରଖାଯାଏ।
ଲୋକମାନେ ଭିଡିଓ ଉପରେ ପ୍ରତିକ୍ରିୟା ପ୍ରକାଶ କରିଛନ୍ତି। ଭିଡିଓଟିକୁ ବର୍ତ୍ତମାନ ସୁଦ୍ଧା ୮୮ ହଜାରରୁ ଅଧିକ ଲୋକ ଦେଖିସାରିଲେଣି। ଅନେକ ଲୋକ କମେଣ୍ଟ ବି ଦେଇଛନ୍ତି। ଜଣେ ବ୍ୟକ୍ତି କହିଛନ୍ତି, ମୃତଦେହ ଭାବି ଲୋକେ କାହିଁକି ଶେଷ ଜିନିଷକୁ ଛୁଇଁଲେ ନାହିଁ। ଆଉ ଜଣେ ୟୁଜର କହିଛନ୍ତି, ମୃତଦେହ ହେଲେ ବି ଲୋକେ ଆଶ୍ଚର୍ଯ୍ୟ ହେବେନି। କାରଣ ଏପରି ଘଟଣା ପ୍ରତିଦିନ ଘଟୁଛି। ଆଉ ଜଣେ ୟୁଜର କହିଛନ୍ତି, ଏହା ଦେଖି ଲୋକେ ହସିଛନ୍ତି କାରଣ ସେମାନେ ଜାଣିଛନ୍ତି ଏହା ପ୍ରକୃତରେ କ’ଣ। କନ୍ଭେୟର ବେଲ୍ଟରେ ଯାହା ଆସେ ତାହା ଯାଞ୍ଚ ହୋଇ ଆସେ। ତେଣୁ ଏଥିରେ ଆଶ୍ଚର୍ଯ୍ୟ ହେବାର କିଛି ନାହିଁ।
